პეტრო პოროშენკო მზად არის ნადია სავჩენკოს გასათავისუფლებლად რუსეთს ტყვეები გაუცვალოს

მსოფლიო - 12:09, 10 Mar, 2016

3307

უკრაინის პრეზიდენტი, პეტრო პოროშენკო მზად არის ნადია სავჩენკოს გასათავისუფლებლად რუსეთს ტყვეები გაუცვალოს. ამის შესახებ უკრაინის პრეზიდენტმა ანკარაში ვიზიტისას ისაუბრა.

ერდოღანთან შეხვედრის შემდეგ გამართულ პრესკონფერენციაზე პოროშენკომ აღნიშნა, რომ მსგავსი წინადადება რუსულ მხარეს 2 წლის განმავლობაში არც ერთხელ არ წამოუყენებია.

"ნადია სავჩენკო, ისევე როგორც ყველა უკრაინელი სამხედრო, თავის მოვალეობას ასრულებდა. ის დონბასიდან გაიტაცეს, ციხეში ჩასვეს და ისეთი ბრალდება წაუყენეს, რომელთანაც არაფერი აკავშირებს. რაც შეეხება ტყვეების გაცვლის შესაძლებლობას, მე ვიყენებ პრეზიდენტის კონსტიტუციურ უფლებას და პირველად ვაცხადებ, რომ ეს შესაძლებელია. მე მზად ვარ გაცვლისთვის, იმისთვის, რომ ნადია სავჩენკსო სამშობლოში დაბრუნდეს" - განაცხადა პეტრო პოროშენკომ.

შეგახსენებთ, უკრაინის ტერიტორიული მთლიანობისთვის მებრძოლი 33 წლის მფრინავი, უკრაინის უმაღლესი რადასა და ევროსაბჭოს საპარლამენტო ასამბლეის წევრი ნადეჟდა სავჩენკო 2013 წლის 17 ივნისს სეპარატისტებმა ტყვედ ჩაიგდეს, რუსი ჟურნალისტის მკვლელობაში დასდეს ბრალი და რუსეთის სპეცსამსახურებს გადასცეს.

სასამართლო განაჩენს ნადეჟდა სავჩენკოს საქმეზე 21 ან 22 მარტს გამოიტანენ. ბრალდების მხარე 23 წლიან პატიმრობას და 100 ათასი რუბლის ოდენობით ჯარიმას ითხოვს. სავჩენკოს ამ დროისთვის მშრალი შიმშილობა აქვს გამოცხადებული.

მთელი მსოფლიო მასშტაბით ნადეჟდა სავჩენკოს გათავისუფლების მოთხოვნით აქციები ტარდება.