ლეონარდო დიკაპრიოს ნახევარძმა ადამ ფერარიზე აშშ–ის პოლიციამ ძებნა გამოაცხადა.

როგორც ბრიტანული გამოცემა "დეილი მეილი" იტყობინება, 44 წლის ადამს ბრალად ედება მეუღლესთან ერთად ერთ–ერთი მაღაზიიდან $990 ღირებულების საქონლის მოპარვა. აღნიშნული ბრალდებით ისინი სასამართლოშიც დაიბარეს, სადაც არ გამოცხადნენ. მათი დაკავების შემთხვევაში ფერარსა და მის ცოლს 3000 დოლარის ოდენობის ჯარიმის გადახდა მოუწევთ.

ადამი ლეონარდოს დედინაცვალ პეგის შვილია. ბავშვობაში ძმებს კარგი ურთიერთობა ჰქონდათ, თუმცა ადამის ნარკოდამოკიდებულების გამო, ძებს ურთიერთობა დაეძაბათ.

2014 წლის 24 იანვარს 42 წლის ადამი ნარკოტიკების შენახვის ბრალდებით დააპატიმრეს. მისი ციხიდან გამოსვლის შემდეგ, ლეონარდო ცდილობდა ძმის საავადმყოფოში მოთავსებასა და მკურნალობას დაწყებას, რაზეც ადამი უარს აცხადებდა. როგორც გამოცემა წერს, ამჟამად ძმებს კონტაქტი აღარ აქვთ.