ნადეჟდა სავჩენკოს მხარდამჭერების აქცია მიმდინარეობს დილიდან კიევში. უკრაინელები თავდაცვის სამინისტროსთან შეიკრიბნენ და მსვლელობა მოაწყვეს, რის შემდეგაც რუსეთის საელჩოსთან შეიკრიბნენ.
მომიტინგეებმა ვლადიმერ პუტინის სახელზე პეტიციაც მოაზადეს, სადაც რუსეთის პრეზიდენტისაგან სავჩენკოსთან ერთად ყველა უკრაინელი ტყვეს გატავისუფლებას მოითხოვენ.
რამდენიმე სახალხო დეპუტატმა საელჩოს ტერიტორიაზე შესვლა მოახერხა და პეტიცია საელჩოს თანამშრომლებს გადასცა.
შეგახსენებთ, უკრაინის ტერიტორიული მთლიანობისთვის მებრძოლი 33 წლის მფრინავი, უკრაინის უმაღლესი რადასა და ევროსაბჭოს საპარლამენტო ასამბლეის წევრი ნადეჟდა სავჩენკო 2013 წლის 17 ივნისს სეპარატისტებმა ტყვედ ჩაიგდეს, რუსი ჟურნალისტის მკვლელობაში დასდეს ბრალი და რუსეთის სპეცსამსახურებს გადასცეს.
გაეროს, ევროკავშირის, აშშ-სა და სხვა საერთაშორისო ორგანიზაციების მოთხოვნის მიუხედავად, სავჩენკო კვლავ საპატიმროში იმყოფება. 4 მარტს მან მშრალი შიმშილობა გამოაცხადა.
მასალის გამოყენების პირობები






