აშშ რუსეთს ნადეჟდა სავჩენკოს დაუყონებლივ გათავისუფლებისკენ მოუწოდებს

მსოფლიო - 13:25, 08 Mar, 2016

1765

აშშ რუსეთს, უკრაინელი მფრინავი ქალის, ნადეჟდა სავჩენკოს დაუყონებლივ გათავისუფლებისკენ მოუწოდებს და ღრმა შეშფოთებას გამოთქვამს მისი ჯანმრთელობის მდგომარეობის გამო. ამის შესახებ აშშ-ის სახელმწიფო მდივნის ჯონ კერის განცხადებაშია ნათქვამი, რომელიც აშშ-ის სახელმწიფო დეპარტამენტის ოფიციალურ ვებგვერდზე გამოქვეყნდა.

"ღრმად ვარ შეშფოთებული უკრაინელი მფრინავის ნადია სავჩენკოს ჯანმრთელობის მდგომარეობის გამო, რომელიც პარასკევიდან საკვების და წყლის მიღებაზე უარს აცხადებს, რუსეთის ფედერაციის მიერ მისი პატიმრობაში დატოვების გასაპროტესტებლად. აშშ კიდევ ერთხელ მოუწოდებს რუსეთს, დაუყონებლივ გაათავისუფლოს სავჩენკო და დააბრუნოს ის უკრაინაში" - ნათქვამია განცხადებაში.

შეგახსენებთ, უკრაინის ტერიტორიული მთლიანობისთვის მებრძოლი მფრინავი, უკრაინის უმაღლესი რადასა და ევროსაბჭოს საპარლამენტო ასამბლეის წევრი 33 წლის ნადეჟდა სავჩენკო 2013 წლის 17 ივნისს სეპარატისტებმა ტყვედ ჩაიგდეს, რუსი ჟურნალისტის მკვლელობაში დასდეს ბრალი და რუსეთის სპეცსამსახურებს გადასცეს.

გაეროს, ევროკავშირის, აშშ-სა და სხვა საერთაშორისო ორგანიზაციების მოთხოვნის მიუხედავად, სავჩენკო კვლავ საპატიმროში იმყოფება. 4 მარტს მან მშრალი შიმშილობა გამოაცხდაა. პროკურატურა სავჩენკოსთვის 23 წლით თავიუსფლების აღკვეთას ითხოვს. საბოლოო სხდომა ხვალ გაიმართება. ნადეჟდა სავჩენკოს მხარდასაჭერად მსოლფიოს მასშტაბით, ხვალვე აქციებია დაგეგმილი.