უკრაინის პრეზიდნეტი პეტრო პოროშენკო ევროკავშირის ლიდერებს მოუწოდებს, ნადეჟდა სავჩენკოს გათავისუფლებისათვის რუსეთზე ზეწოლა გააძლიერონ.

ამასთანავე, სავჩენკოს გათავისუფლების მოთხოვნით ღია წერილს 270-ზე მეტი ცნობილი მოღვაწე აწერს ხელს. წერილის ხელმომწერები მოუწოდებენ ევროპელ ლიდერებს , ნადეჟდა სავჩენკოს დაუყოვნებლივ გასათავისუფლებლად საგანგებო ზომებს მიმართონ.

ნადეჟდა სავჩენკოს ჯანმრთელობის მდგომარეობის გამო, ღრმა შეშფოთება გამოთქვა აშშ-ის სახელმწიფო მდივანმა ჯონ კერიმ. სახელმწიფო დეპარტამენტის საიტზე გამოქვეყნებულ განცხადებაში, კერი რუსეთს უკრაინელი მფრინავის დაუყოვნებლივ გათავისუფლებისკენ მოუწოდებს.

შეგახსენებთ, უკრაინის ტერიტორიული მთლიანობისთვის მებრძოლი 33 წლის მფრინავი, უკრაინის უმაღლესი რადასა და ევროსაბჭოს საპარლამენტო ასამბლეის წევრი ნადეჟდა სავჩენკო 2013 წლის 17 ივნისს სეპარატისტებმა ტყვედ ჩაიგდეს, რუსი ჟურნალისტის მკვლელობაში დასდეს ბრალი და რუსეთის სპეცსამსახურებს გადასცეს.

გაეროს, ევროკავშირის, აშშ-სა და სხვა საერთაშორისო ორგანიზაციების მოთხოვნის მიუხედავად, სავჩენკო კვლავ საპატიმროში იმყოფება. 4 მარტს მან მშრალი შიმშილობა გამოაცხადა. რუსეთის პროკურატურა სავჩენკოსთვის 23 წლით თავიუსფლების აღკვეთას ითხოვს. სხდომა ხვალ გაიმართება.