ნატო-ს არმია მკაცრი ზამთრის პირობებში, რუსეთთან დაპირისპირების შემთხვევისთვის, საბრძოლო სწავლებებს გადის

მსოფლიო - 00:02, 08 Mar, 2016

4398

ბრიტანეთის არმიის საზღვაო ქვეითები უკვე დიდი ხანია, გადიან სწავლებებს მკაცრ პოლარულ პირობებში სამხედრო მოქმედებების წარმოებისთვის. ყირიმის ანექსიის შემდეგ, ნატო-ში მიიჩნევენ, რომ თუ რუსეთი უკან არ დაიხევს და განარგძობს თავის აგრესიულ პოლიტიკას, ნატო-ს სამხედრო ძალები რუსეთთან დაპირისპირებისთვის მზად უნდა იყვნენ. ამიტომაც, სწავლებაში, რომელიც დაიწყო ბრიტანეთმა იმიერ-პოლარეთში, რუსეთის საზღვრების სიახლოვეს, სადაც ყველაზე მიახლოებული პირობებია რუსულ ზამთართან, აშშ-ს სამხედრო ქვეითებთან ერთად ნატო-ს წევრი სხვა ქვეყნების ჯარისკაცებიც ჩაერთნენ.

,,ჩვენ უნდა მზად ვიყოთ, ვუპასუხოთ ნებისმიერი ტიპის აგრესიას, რომ რუსეთს არ ჰქონდეს იმის განცდა, რომ თუ ის ზღვარს გადავა, უპასუხოდ დარჩება“ - ამბობს მაიკლ ფელონი, ბრიტანეთის თავდაცვის მინისტრი.

სწავლებაში მონაწილე ნატო-ს არმიის ოფიცრები აღნიშნავენ, რომ ,,ჩვენ არ ვამბობთ, რომ დღეს უკვე არის ცივი ომი, მაგრამ საბრძოლო სწავლება, რომელსაც ჩვენ აქ, მკაცრი ზამთრის და უკიდურესად დაბალი ტემპერატურის პირობებში გავდივართ, არის იმისთვის, რომ რუსეთმა უნდა იცოდეს, ნატო ნებისმიერ ვითარებაში მზად არის იმოქმედოს“.