94 წლის ასაკში გულის უკმარისობით ამერიკის შეერთებული შტატების ყოფილი პირველი ლედი ნენსი რეიგანი გარდაცივალა.

ნენსი რეიგანი მიიჩნეოდა ამერიკის შეერთებულ შტატებში თეთრი სახლი ყველაზე გავლენიან დიასახლისად, მისი მეუღლის რონალდ რეიგანის პრეზიდენტობის დროს (1981-1989 წლებში).

მათი ოჯახური თანაცხოვრება, რომელიც 52 წელს ითვლიდა, მიჩნეული იყო, როგორც უდიდესი რომანი ამერიკის შეერთებული შტატების საპრეზიდენტო ისტორიაში .

მისი მომავალი მეუღლის გაცნობამდე ის კინომსახიობი იყო. 1952 წელს ნენსი რეიგანი დაქორწინდა რონალდ რეიგანზე, რომელიც ამ დროისთვის ამერიკის მსახიობთა გილდიის მეთაური იყო.

იქნებოდა ეს მსახიობისა თუ შემდგომ პოლიტიკურ ოლიმპზე აღმასვლის მომენტში, ნენსი თავგამოდებით იცავდა მის მეუღლეს ოპონენტების მხრიდან ნებისმიერი თავდასხმის დროს. ის იყო მის გვერდით ჭირსა თუ ლხინში.

რონალდ რეიგანი გარდაიცვალა 2004 წელს, ალცგეიმერის დაავადებით.

ცნობილია, რომ მეუღლეები გამოირჩეოდნენ განსაკუთრებული სიახლოვით. ბევრი მიმომხილველი მიიჩნევს, რომ ნენსი რეიგანს ძალიან დიდი გავლენა ჰქონდა თავის მეუღლეზე მისი თეთრ სახლში მოღვაწეობის დროს.

ნენსი რეიგანი იყო ინიციატორი ნარკომანიასთან ბრძოლის კამპანიაში სახელწოდებით - ,,უბრალოდ თქვი არა“. მას აკრიტიკებდნენ ფუფუნებისადმი მიდრეკილებისთვის: იმის გამო, რომ მან განსაკუთრებულად ძვირადღირებული რემონტი გააკეთა თეთრ სახლში, იმის გამო, რომ მან შეიძინა ცნობილი დიზაინერებისგან 1 მილიონ დოლარად ღირებული სამოსი, 209 ათას დოლარად შეფასებული ფაიფურის სერვიზის გამო, იმ დროს, როცა მილიონობით ამერიკელი კარგავდა სამსახურს და ცხოვრების პირობებს.

თუმცა, მოგვიანებით ეს კრიტიკული განწყობა შეიცვალა დიდი პატივისცემით და მისი თვისებების აღიარებით, მეუღლისადმი განსაკუთრებული ერთგულების ჩათვლით.

ნენსი რეიგანს დაკრძალავენ მეუღლის გვერდით, რონალდ რეიგანის სახელობის საპრეზიდენტო ბიბლიოთეკის ტერიტორიაზე, კალიფორნიაში.