ილია II - "ჩვენი ცხოვრება არის გამოცდა და ცხონებისკენ მიმავალი ყველაზე იოლი გზა არის მოწყალება"

რელიგია - 15:46, 06 Mar, 2016

4450

საქართველოს კათოლიკოს პატრიარქმა ილია მეორემ საკვირაო ქადაგებისას მოწყალების შესახებ ისაუბრა.

"დღეს ჩვენ კიდევ ერთხელ უნდა ვიფიქროთ, თუ რა უნდა ვაკეთოთ, როგორ განვვლოთ ჩვენი ცხოვრება. ჩვენი ცხოვრება არის გამოცდა და ყველაზე იოლი გზა, ცხონებისკენ მიმავალი, არის მოწყალება, ადამიანის შეწყნარება და დახმარება. ჩვენ ყველაფერი უნდა გავაკეთოთ, რომ რასაც ვაკეთებთ ამ ქვეყნად, დაგვხვდეს სასუფეველში და მომავალ ცხოვრებაში. ზოგიერთი ამბობს, რომ ადამიანი უნდა მოემზადოს გარდაცვალებისთვის. ეს სწორია, მაგრამ ყველაზე მეტად უნდა მოვემზადოთ მომავალი მარადიული ცხოვრებისთვის", - ბრძანა პატრიარქმა.
მისი თქმით, დახმარების გამცემი უფრო ხარობს, ვიდრე ის, ვინც დახმარება მიიღო.
"შენი მოწყალება, როგორც ანთებული სანთელი, გაგიძღვება წინ და მიგიყვანს სასუფეველში. მრავალი ადამიანი მინახავს, რომელიც მოწყალებას აძლევდა და ბედნიერად დამთავრდა მათი ცხოვრება", - აღნიშნა უწმინდესმა.

მისი თქმით, განსაკუთრებული ყურადღება უნდა მიექცეს მწერლებს, მხატვრებს და ხელოვნების მუშაკებს, რომლებსაც თხოვნა და ვაჭრობა არ შეუძლიათ. სასურველია, რომ მრევლმა შეიძინოს სახლი და გაჭირვებული ადამიანებისთვის მოაწყოს თავშესაფრი. განსაკუთრებით, ეს ესაჭიროება მწერლებს, მხატვრებს, ხელოვნების მუშაკებს, რომელთაც არ შეუძლიათ თხოვნა და არ შეუძლიათ ვაჭრობა.