თურქეთის პრემიერ მინისტრმა აჰმედ დავითოღლუმ ირანს დაახლოება და მთელ რიგ საკითხებში ერთობლივი მოქმედების გეგმის შემუშავება შესთავაზა. ეს განცხადება მან ირანის ვიცე-პრეზიდენტ ასჰაჯ ჯიჰანგირთან თეირანში დღეს გამართულ ერთობლივ პრეს-კონფერენციაზე გააკეთა.

დავითოღლუს განცხადებით, ორივე ქვეყანა არასტაბილურობის, ტერორიზმის, ეთნიკური და კონფესიათაშორისი კონფლიქტების საფრთხის წინაშე დგას, რომელიც მხოლოდ ერთობლივი ძალისხმევით დაიძლევა.

დავითოღლუ აცხადებს, რომ ორივე ქვეყანას გარკვეულ საკითხებში სხვადასხვა შეხედულება გააჩნია, თუმცა მათ არ შეუძლიათ პოლიტიკური გეოგრაფია შეცვალონ და პრობლემები ერთობლივ გადაწყვეტას მოითხოვს.

დღესვე გაიმართება თურქეთის პრემიერის შეხვედრა პრეზიდენტ როუჰანისთან. ამ საუბრის თემა ძირითადად სირიის საკითხს შეეხება. როგორც ცნობილია, ირანი ამჟამად ბაშარ ასადის რეჟიმს უჭერს მხარს.