სტამბოლში განხორციელებული სპეცოპერაციის შედეგად თურქმა სამართალდამცავებმა ორი თავდამსხმელი ქალის ლიკვიდაცია მოახდინეს, რომლებმაც დღეს ბაირამფაშას რაიონში , პოლიციის შენობას ცეცხლი გაუხსნეს.

ორმა ქალმა ბაირამფაშას რაიონში ცეცხლი დღეს დილით გაჩერებაზე გახსნა, ისინი პოლიციის შენობის მისამართით ისროდნენ. შემდეგ კი ადგილიდან გაიქცნენ და თავი იმავე უბანში მდებარე შენობას შეაფარეს. პოლიციელებმა აღნიშნული შენობა ალყაში მოაქციეს, სპეცოპერაციის შედეგად კი ორივე თავდამსხმელი მოკლეს.

დღეს განვითარებული მოვლენების შედეგად დაიჭრა ორი სამართალდამცავიც, ერთი თავდასხმის, ხოლო მეორე სპეცოპერაციის დროს დაშავდა.