ოსკაროსანი მსახიობი ჯორჯ კენედი 91 წლის ასაკში გარდაიცვალა.

როგორც მსახიობის შვილიშვილი კორი შჩენკელი აცხადებს, ის კვირას აიდაჰოს შტატში, ბოისეში გარდაიცვალა.

კენედი 16 წელი ამერიკის შეერთებული შტატების არმიაში მსახურობდა, ის ასევე მეორე მსოფლიო ომის მონაწილე იყო.

სამსახიობო კარიერა კენედმა 1950-იან წლებში დაიწყო და 150-ზე მეტ ფილმსა და სერიალში აქვს მონაწილეობა მიღებული.

მსახიობმა 1968 წელს "ოსკარიც" აიღო, ფილმში "გულგრილი ლუკი" შესრულებული მეორეხარისხოვანი როლისთვის.