რთული რელიეფური მდებარეობის გამო, მაშველები ხანძართან მიახლოებას კარგა ხანს ვერ ახერხებდნენ.

ცეცხლის სწრაფად გავრცელების გამო დღის წესრიგში დადგა თბილისიდან ვერტმფრენების გამოძახების საკითხიც, თუმცა, მოგვიანებით გადაწყდა, რომ ხანძარს ადგილობრივი ძალებით გამკლავებოდნენ.

მეხანძრეებსა და მაშველებს ადგილობრივი მცხოვრებლებიც ეხმარებოდნენ. გაერთიანებული ჯგუფები ხანძარს დილამდე ებრძოდნენ. მაშველების განმარტებით, ცეცხლის ჩაქრობას ხელს ამოვარდნილი ქარიც უშლიდა, თუმცა როგორ ისინი აცხადებდნენ, ცეცხლის გავრცელების საშიშროება არ არსებობდა და მოსახლეობისთვის საფრთხეს არ წარმოადგენდა.

მეხანძრეებმა და ადგილობრივებმა, საბოლოოდ, ხანძრის ლოკალიზება მოახერხეს, თუმცა ტყის არცთუ მცირე ნაწილი დაიწვა.