პაატა დავითაია: 2008 წლის აგვისტოს ომით პიარის კეთება გამოიწვევს ქართული სახელმწიფოს რღვევას

პოზიცია - 22:30, 01 Apr, 2013

1793

პაატა დავითაია ცალსახად აღნიშნავს, რომ 2008 წლის აგვისტოს ომის შემდეგ შექმნილი დროებითი საპარლამენტო კომისიის დასკვნა გადაცემულია პროკურატურისთვის და თუკი პროკურატურას სურს ამ საქმის გამოძიება, მას აქვს სრული ინფორმაცია საქმის წარმოებისთვის.

_როგორც ცნობილია მთავარმა პროკურორმა გააკეთა განცხადება იმასთან დაკავშირებით, რომ აგვისტოს ომზე იწყება გამოძიება და შეიქმნება სპეციალური ჯგუფი ამ თემაკიტაზე მომუშავე. რადგან საუბარია აგვისტოს ომზე, მინდა შეგახსენოთ, რომ აგვისტოს ომის შემდეგ შექმნილი იყო დროებითი საპარლამენტო კომისია, ხაზი მინდა გავუსვა, რომ ეს იყო დროებითი საპარლამენტო კომისია და არა საგამოძიებო კომისია, როგორც ამას მედიაში აღნიშნავენ ხოლმე. ეს იყო პირველი პრეცედენტი პარლამენტარიზმის ისტორიაში, ამ კომისიას არ ჰქონდა საგამოძიებო ფუნქციები, მას ამის უფლებამოსილება არ გააჩნდა. თავის დროზე საპარლამენტო ოპოზიციამ დააყენა საკითხი საგამოძიებო კომისიის შექმნაზე, რაზეც მაშინდელმა უმრავლესობამ არ მისცა თანხმობა და შეიქმნა მხოლოდ დროებითი საპარლამენტო კომისია. ჩვენ დავიწყეთ მუშაობა და გვქონდა უფლებამოსილება მოგვესმინა ინფორმაცია და ამ ინფორმაციის საფუძველზე გვეწარმოებინა საქმიანობა.

_უფრო რომ დავაკონკრეტოთ, რა შედეგი დადგა მაშინ?

_ხაზი მინდა გავუსვა, რომ ამ ინფორმაციის მოსმენის საფუძვლეზე უნდა აღმოჩენილიყო ხარვეზები, რაც იყო მაშინ მთავრობის საქმიანობაში. მიღწეულ იქნა შედეგი, იგივე დასკვნიდან თუ ავიღებთ, კერძოდ, მინისტრების პოლიტიკური პასუხისმგებლობის საკითხი - მათ დატოვეს პოსტები. მოკვლევის პროცესში გამოიკვეთა დანაშაულებრივი ნიშნები, რომლის გამოძიების უფლებამოსილება არ გქვონდა და გადავუგზავნეთ საქმე პროკურატურას. დასკვნაში მივუთითეთ, რომ ეს არის პროკურატურის გამოძიების საკითხი, მაგალითად, იქ არის დაზვერვის მიერ მოწოდებული ინფორმაცია, რომლის მიხედვითაც ლობირება ხდებოდა რუსეთის ფედერაციის მხრიდან გარკვეული საკითხების, აქედან გამომდინარე ეს იყო გამოძიების საკითხი და ის ჩვენ გადავეცით პროკურატურას. იგივე გენერალური შტაბის მოქმედება საომარი მდგომარეობის დროს, საუბარია თავდაცვის სამინისტროში მიღებულ ინფორმაციაზე, რომ ვიღაცამ თავდაცვის სამინისტროს ევაკუაცია დაიწყო და მასალების განადგურება, აგრეთვე ბევრი სხვა მასალები, რაც შეეხებოდა კავშირგაბმულობას და ესეც გადავეცით პროკურატურას. მათ შორის, კოდორის ხეობაში მომხდარი მოვლენები, როცა შს მინისტრმა თქვა, რომ მან გასცა ბრძანება კოდორის ხეობის დატოვების, როცა ლეგიტიმური მთავრობა იქ არ იმყოფებოდა და კაციშვილმა არ იცოდა სად იმყოფებოდა, ესეც პროკურატურას გადავეცით. იგივე ეროსი კიწმარიშვილის მიერ გაკეთებული განცხადება, რომ იყო ,,ლიდერშიფი'', რომელიც გეგმავდა ომს და ეს ფაქტიც ასევე გამოძიებას გადავეცით. აგრეთვე მივმართეთ პროკურატურას, რომ თუ იყო ადამიანის უფლებების დარღვევასთან დაკავშირებული და სხვა მძიმე დანაშაულის ფაქტები, რომელიც ჩიადინა შსს და თავდაცვის სამინსიტორს და სხვა თანამდებობის პირებმა ეს საკითხები გამოძიებული ყოფილიყო.

_ფაქტობრივად, დოკუმენტალურად დადასტურებული ყველა ეს მასალა, რომელიც დროებითმა საპარლამენტო კომისიამ დადო, უკვე გადაგზავნილი გაქვთ...

_ვიმეორებ, ყველა ეს მასალა, რაც კი გამოიკვეთა, არის გადაგზავნილი პროკურატურაში. ვწუხვარ, რომ ამ დასკვნებს არავინ არ კითხულობს, მაგალითად დასკვნაში ცალსახად წერია, ვინ გასცა ბრძანება ცხინვალში შესვლი, გასცა სააკაშვლმა, როცა შეიარაღებული ძალები გადმოვიდნენ როკის გვირაბს, ეს ღიად წერია...

_და პრეზიდენტიც ადასტურებს ამას...

_რა თქმა უნდა, ეს ღიად წერია. ამის შემდგომ შეიქმნა საერთაშორისო საგამოძიებო კომისია, რომელმაც გამოძიება ჩაატარა. ჩვენი და ამ კომისიის დასკვნა არის იდენტური. ერთადერთი იქ წერია, რომ ქართული მხარის მიერ მოხდა ძალის გადამეტება. თუმცა ეს ომია და ჩვენი სუვერენული უფლებაა, ძალა ვინ გადაამეტა და ვინ არა. დღეს მე არ ვიცი, პროკურიო რა გამოძიებაზე საუბრობს.

_ბატონო პაატა მთავრი პროკურორის მიერ ითქვა, რომ ჰააგის სასამართლოს პროკურორები იმყოფებოდნენე აქ და მათ დააყენეს საკითხი 2008 წლის აგვისტოს ომის გამოძიების.

_დავიწყოთ იმით, რომ ჰააგის სასამართლოს მხრიდან 2008 წლის აგვისტოს ომის არანაირი გამოძიების მოთხოვნები არ დგება. მინდა ხაზი გავუსვა, რომ მე პირადად ჰააგის საერთაშორისო სასამართლოსთან მაქვს ურთიერთობა. თავის დროზე სეპარატისტების წინააღმდეგ სარჩელი მე შევიტანე, გავლილი მაქვს სპეციალური კურსები და ყოფილი საბჭოთა კავშირის ტერიტორიიდან მემგონი ერთადერთი ადამიანი ვარ ამ მხრივ... ამას ისე ცნობისათვის აღვნიშნავ, და ძალიან კარგად ვიცი, რაზეა საუბარი. დავიწყოთ იქიდან, რომ დღეს ჰააგის საერთაშორისო სისხლის სამართლის პროკურატურაში საქმე აღძრული არ არის, გამოძიება არ იწარმოება, მითუმეტეს, როცა საერთაშორისო გამოძიება ჩატარდა უკვე. საერთაშორისო სისხლის სამართლის პროკურატურა იძიებს შემდეგს, როცა საქმე ეხება გენოციდს და ეთნოწმენდას, კაცობრიობის წინაშე ჩადენილ დანაშაულს, სამხედრო დანაშაულს და აგრესიის დანაშაული - აი, ეს ოთხი პუნტქია. ტალიავინის კომისიამ ცალსახად გამორიცხა ეთნოწმენდა და დანაშაული კაცობრიობის წინაშე, ანუ ორი პუნქტი გამორიცხა, რაც შეეხება აგრესიას, კი ბატონო, აგრესია მოხდა და ამის შედეგად ოკუპირებულია რუსეთის მიერ საქართველოს ტერიტორია.

_ჰააგის სასამართლოს რუსეთმაც მიმართა საქართველოს წინააღმდეგ სარჩელით...

_კი ბატონო, რუსეთმა მიმართა ჰააგის სასამართლოს და რუსეთი არ ცნობს საერთაშორისო სამართალს. იგივე ეთნიკურ წმენდასთან დაკავშირებით თინა ხიდაშელმაც მიმართა ჰააგის სასამრთლოს და მე მივესალმები ამ ფაქტს, რადგან ეთნიკური წმენდა ხდებოდა ქართველების წინააღმდეგ. ამის მასალები და საფუძველი პროკურატურას გააჩნია და ჩვენ ეს მივეცით მათ. სამწუხაროდ, ერთ-ერთმა მედია საშუალებამ ამ მიმართულებით ჩემი კომენატარი არ გააშუქა შესაბამის კონტექსტში და მხოლოდ ის განაცხადა, რომ დავითაიას კომისიამ არავის თავი არ დაამახსოვრა, გარდა იმისა, რომ მასალები გადააგზავნა პროკურატურაში. სამწუხაროდ სახელმწფიოში ფონია შექმნილი, რომ თითქოს ჰააგა ითხოვს საქმის გამოძიებას.

_რა არის მიზანი, როცა ქართული მხარე ამბობს, რომ ჰააგა ითხოვს ამას?

_მიზანი არის ის, რომ პიარი გაკეთდეს ამ მიმართულებით...

_კი, მაგრამ ვის სასარგებლოდ იმოქმედებს ეს პიარი, როცა საქმე ეხება 2008 წლის აგვისტოს ომს, რუსეთ-საქართველოს ომს?

_თუ ვინმეს სურს პიარის კეთება და იმის მტკიცება, რომ ჩვენ ვიღაც გვაიძულებს გამოძიებას, ეს გამოიწვევს ქართული სახელმწიფოებრიობის რღვევას. რუსული სააგენტოები და საინფორმაციო საშუალებები გადასცემენ ამას ორი დღეა. ეს გამოიწვევა იმას, რომ რუსეთი ცხინვალის და აფხაზეთის აღაირებაში გამოვა მართალი. ამიტომ ტენდებციურად ნუ მივუდგებით ამ საკითხს, ეს არის სახელმწიფდოებრივი მნიშვნელობის თემა. თუ დღეს პროკურატურას უნდა გამოძიება ამ საქმის, ძალიან კარგი, რადგან ჩვენ გადაგზავნილი გვაქვს ეს მასალები. ამ დასკვნას მარტო მე, პაატა დავითაიამ კი არ მოვაწერე ხელი, აქ იყვნენ ჩართული ექსპერტებიც და ყველას ხელმოწერაა იქ დაფიქსირებული, ეს ხდებოდა ღიად და გამჭვირვალედ და ამას ჩვენთან ერთად ისმენდა საზოგადოებაც.

_დროებითი საპარლამენტო კომისიის მუშაობის პროცესში თუ გქონდათ კავშირი საერთაშორისო ორგანიზაციებთან და რა გამოხმაურება მოჰყავა შემდგომ უკვე ამ კომისიის დასკვნას?

_როგორც აღვნიშნე, მე ეს დასკვნა გადავეცი ტალიავინის კომისიას, მივიღე მადლობა აშშ კონგრესისგან, ევროკავშირისგან და დიპლომატიური კორპუსისგან, რომელსაც იმ პერიოდში ინტენსიურად ვხვდებოდი. სამართლებრივი დასაბუთება არის იდენტური, ეს ომი ხომ არ დაწყებულა მხოლოდ აგვისტოში, ამის ისტორიული დასაბუთება არსებობს და ეს არის აღიარებული.

ანანო კვაჭანტირაძე
,,ნიუპოსტი"