რატომ არ დაესწრნენ "ოსკარებს" ანჯელინა ჯოლი და ბრედ პიტი

ეს საინტერესოა - 14:00, 01 Mar, 2016

19895

„ოსკარების“ დაჯილდოებას მოუთმენლად არა მარტო კინომოყვარულები, არამედ მსოფლიოს ულამაზეს წყვილად აღიარებული ანჯელინა ჯოლისა და ბრედ ბიტის თაყვანისმცემლებიც ელოდნენ. როგორც დასავლური ტაბლოიდები აქტიურად წერდნენ, წყვილის შესაძლო განქორწინების შესახებ არსებულ ეჭვებს , დაჯილდოებაზე მათი ერთად გამოჩენა გააქარწყლებდა. თუმცა, კინოინდუსტრიის მთავარ მოვლენას წყვილი არ დასწრებია. ოფიციალურ მიზეზად ორივე მათგანის მოუცლელობა დასახელდა, მაგრამ ამის არავის სჯერა. სოციალურ ქსელში „ბრანგელინას“ გულშემატკივრები აქტიურად საუბრობენ ათწლეულის განშორებაზე.წყვილის ურთიერთობაში არსებულ კრიზისზე პირველად In Touch-მა დაწერა. გამოცემა ირწმუნებოდა, რომ წყვილი განქორწინების შესახებ ოფიციალურ განცხადებას თებერვლის შუა რიცხვებში გააკეთებდა. თუმცა ამ დრომდე მსახიობები ამ საკითხზე კომენტარს არ აკეთებენ.

ანჯელინა ჯოლისა და ბრედ პიტის რომანი 2005 წელს, ფილმ "მისტერ და მისის სმიტების" გადაღებაზე დაიწყო, რომელშიც მსახიობები მთავარ როლებს ასრულებდნენ.

თანაცხოვრების პერიოდში წყვილს სამი შვილი გაუჩნდა. ბრედმა ანჯელინას 2 შვილობილი იშვილა, შემდეგ კი ერთად ბიჭიც იშვილეს.