დიკაპრიოს ოსკარი - ფეხზე წამომდგარი დარბაზი და მსახიობის შეუდარებელი სიტყვა (ვიდეო)

ეს საინტერესოა - 10:29, 29 Feb, 2016

3686

ლეონარდო დიკაპრიომ კარიერის განმავლობაში პირველი "ოსკარი" 2016 წელს მიიღო და შეუადარებელი სამადლობელი სიტყვაც წრმოთქვა. "ძალიან დიდი მადლობა. მადლობა აკადემიას და ყველას, ვინც ამ დარბაზში ხართ. აუცილებლად უნდა მივულოცო ყველა იმ შესანიშნავ ადამიანს, რომელიც წელს სხვადასხვა ნომინაციაზე იყო წარდგენილი. „რევენანტის“ წარმატება დაუღალავი შრომისა და საუკეთესო შემოქმედებითი ჯგუფის დამსახურებაა. პირველ რიგში, მადლობა ჩემს განუყრელ ძმას - ტომ ჰარდის. ტომ, შენს ნიჭიერებაზე უფრო დიდი მხოლოდ შენი მეგობრობის ნიჭია. მადლობა ჩემს გუნდს. მადლობა სათითაოდ ყველას ჩემი კარიერის ყველა ეტაპიდან. მადლობა ჩემს მშობლებს - უთქვენოდ ვერაფერს შევძლებდი... და მეგობრებს - საოცრად მიყვარხართ და თქვენ იცით, ვისაც გგულისხმობთ.

და ბოლოს, მინდა აღვნიშნო: „რევენანტი“ ადამიანისა და ბუნების ურთიერთობას ეძღვნება. ბუნებას, რომლის მდგომარეობაც ყველამ ერთად ვიგრძენით 2015-ში - რომელიც ისტორიაში ყველაზე ცხელ წელიწადად ჩაეწერა. გადამღები ჯგუფი იძულებული გახდა პლანეტის უკიდურეს სამხრეთში წასულიყო იმისათვის, რომ თოვლი ეპოვა. კლიმატური ცვლილებები ნამდვილად ხდება, თანაც ახლა, ამ წუთებში! ეს ყველაზე დიდი საფრთხეა, რომელიც ჩვენს არსებობას ემუქრება. ამიტომ, აუცილებელია, ერთობლივად ვიმუშაოთ და გავიაზროთ, რომ საქმის გადადება აღარ შეიძლება. გვერდში უნდა დავუდგეთ მსოფლიოს იმ ლიდერებს, რომლებიც მთავარი დამბიძურებლებისთვის კი არა, კაცობრიობის, დედამიწის მკვიდრების, მილიარდობით გაჭირვებული ადამიანისთვის საუბრობენ; რომლებიც ხმას იღებენ ჩვენი შვილებისა და შვილიშვილებისათვის და მათთვის, ვისი ხმაც სხვადასხვა პოლიტიკური მიზეზის გამო ჩაიხშო.

კიდევ ერთხელ, დიდი მადლობა ამ არაჩვეულებრივი ჯილდოსთვის! მოდი, ნუ ვიფიქრებთ, რომ ჩვენი პლანეტა უბრალო საჩუქარია. მე არ ვფიქრობ, რომ ეს საღამო უბრალო საჩუქარია. ძალიან, ძალიან დიდი მადლობა!“