რუსეთში, ვორკუტაში, მაღარო "სევერნაიაზე" მორიგი აფეთქება მოხდა, რამაც 6 ადამიანის სიცოცხლე იმსხვერპლა. მათ შორის ერთი მარაროელია, ხოლო 5 - მაშველი.

აფეთქების დროს მაღაროში სულ 77 ადამიანი იმყოფებოდა - 38 მაშველი და 39 მეშახტე. აფეთქება მიწის ზედაპირიდან 748 მეტრის სიღრმეზე მოხდა.

შეგახსენებთ, რომ ამავე მაღაროში კიდევ ორი აფეთქება 25 თებერვალს მოხდა. მაშინ ოფიციალური წყაროები 4 დაღუპულის შესახებ იუწყებოდნენ. მაღაროში დღემდე სამძებრო სამუშაოები მიმდინარეობდა, რადგან უცნობია 26 მაღაროელის ბედი. ამჟამად სამუშაოები შეჩერებულია, რადგან მოსალოდნელია მორიგი აფეთქებები.