ზოგიერთი სპეციალისტის აზრით, რამოდენიმე ათეული წლის შემდეგ შეიქმნება სპეციალური რობოტები, რომლთაც ადამიანების სექსუალურ მოთხოვნილებების დაკმაყოფილება შეეძლებათ. ბუნებრივია, ტექნოლოგიების სწრაფი განვითარების ეპოქაში, თითქოს უჩვეულო არაფერია, თუმცა სკეპტიკოსებს მიაჩნიათ, რომ ეს არც თუ ისე ადვილი იქნება და არც სექსრობოტები ინებიან პოპულარულები.

რობოტოფსიქოლოგები აცხადებენ, რომ ამგვარი რობოტები 2060-70 წლისათვის უკვე მასობრივ წარმოებაში გამოვა. მართალია, დღეს ხელოვნური ინტელექტი და რობოტოტექნიკა საკმაოდ განვითარებულია, მაგრამ რამდენად რეალურია მართლაც ეს ფაქტი?

პირველი სირთულე - რამდენად რეალისტური იქნება ეს რობოტი და ხომ არ დააფრთხობს „მომხმარებელს?

დღესაც არსებობს გარკვეული მოწყობილობები, მაგრამ ეს მხოლოდ სათამაშოებია და მეტი არაფერი. სექს რობოტებს უნდა ჰქონდეს „ადამიანური“ გარეგნობა, სხეული და რაც მთავარია, პირველი ამოცანა იმაში მდგომარეობს, რომ მეცნიერებმა უნდა შექმნან ისეთი ხელოვნური ინტელექტი, რომელსაც პარტნიორთან სრულფასოვანი ურთიერთობა შეეძლება, ექნება მოთხოვნებზე პასუხისა და მისგან სწავლის შესაძლებლობა. ეს საკმაოდ რთული ამოცანაა. ეს იმას ნიშნავს, რომ რობოტმა უნდა „იაზროვნოს“ და არა მექანიკურად შეასრულოს პარტნიორის ბრძანებები. მან უნდა შესძლოს ადამიანის მზერის მიმართულების დაჭერა, მისი სახის გამომეტყველების წაკითხვა, იყოს ინიციატივიანი, აკეთოს ის, რაც პარტნიორს მოეწონება. ამასთან, ბევრ ადამიანს მოსწონს, როდესაც მას პარტნიორი სექსის დროს ესაუბრება კიდევაც. ანუ მას სრული ემოციური არსენალი უნდა გააჩნდეს.

რობოტი ასევე უნდა იყოს საკმაოდ პლასტიკური, მოძრავი და შეეძლოს სხვადასხვა მდგომარეობის მიღება. შესაბამისად აქ უკვე საქმეში რობოტის ინჟინერული სრულყოფაც ერთვება. უნდა შეიმნას ხელოვნური კანი, სახსრები, რობოტის კიდურები და სხეული ბუნებრივად უნდა მოძრაობდეს, სრულიად იმეორებდეს ადამიანის პლასტიურობას.

განსაკუთრებით რთულია კანის იმიტირება. აქ არამარტო აუცილებელია ადამიანის სხეულის არათანაბრობისა და ტემპერატურის გათვალისწინება, იგი უნდა იყოს დამყოლი, იცვლიდეს ფერს.

არანაკლები მნიშვნელობა ექნება ხმის ტემბრს, საუბრის მანერის ცვლილებას კონკრეტული შემთხვევისათვის. ასე რომ, ინტელექტუალური, ფსიქოემოციური პრობლემების გარდა არსებობს საინჟინრო პრობლემაც.

ეს ყველაფერი კი ფაქტობრივად ხელოვნური ადამიანის შექმნას ნიშნავს.

აღარაფერს ვამბობთ, რამდენად მისაღები იქნება ადამიანისთვის ამგვარ თოჯინასთან ურთიერთობა, რა რეაქცია ექნება საზოგადოებას, რა იქნება მათი ფასი... ყოველივე ამის გამო, სექს-რობოტის შექმნა საკმაოდ არარეალისტურად, ფანტასტიკურ იდეად წარმოგვიდგება.