გვატემალის სასამართლომ ორ სამხედრო მოსამსახურეს 240 და 120 წელი მიუსაჯა, იმ დანაშაულის გამო, რომელიც მათ ქვეყნის ჩრდილოეთით მდებარე სამხედრო ბაზაზე ცაიდინეს.

პროკურორის განცხადებით, სამხედრო მოსამსახურეები იტაცებდნენ ინდიელ ქალებს, მიჰყავდათ ისინი სამხედრო ბაზაზე, სადაც მათ ჯარისკაცები აუპატიურებდნენ. შემდეგ მათ აიძულებდნენ ჯარისკაცებისათვის უფასოდ საჭმელი მოემზადებინათ და ყაზარმები დაელაგებინათ.

სასამართლო მეტად ემოციურად მიმდინარეობდა, რადგან მას 15-მდე დაზარალებული ქალი ესწრებოდა.