გორის ბაზარი კერძო პირის საკუთრებაა და ბიზნესმენმა ქალაქგარეთ კომპლექსი ააგო, სადაც ბაზრის გადატანა სურს, თუმცა, მოვაჭრეები ამ გადაწყვეტილებას ეწინააღმდეგებიან. მათი თქმით, ბაზრის ადგილმდებარეობის შეცვლა მათთვის შემოსავლის შემცირების ტოლფასია, ამასთან, ახალ ბაზარში ერთ მოვაჭრეზე დაწესებული ფიქსირებული გადასახადი მაღალი იქნება.

"აქ ვინც ვდგავართ, ნახევარზე მეტს ბანკისგან კრედიტი გვაქვს აღებული, ვერ ვხვდები, ეს ახალი მთავრობა რატომ აქეზებს მსგავს მოქმედებებს", - თქვას აქციის ერთ-ერთმა მონაწილემ.

საპროტესტო აქციის მონაწილეებს გორის მუნიციპალიტეტის გამგებელი შეხვდა და ესაუბრა, თუმცა, პრობლემა ჯერჯერობით არაა გადაჭრილი.
აქციაზე მისულ მოვაჭრეებს თან ჰქონდათ განსხვავებული შინაარსის პლაკატები. ნაწილი შველა პრემიერმინისტრისგან, ნაწილი კი - პრეზიდენტისგან ითხოვდა:

"ბატონო ბიძინა, დაგვეხმარეთ!", - ეწერა ერთ პლაკატზე, სხვა პლაკატზე კი გაკეთებული იყო წარწერა: "სააკაშვილო, გვიშველე!".

შიდა ქართლის საინფორმაციო ცენტრის ფოტო