"ანგარიშში ასახულია ძირითადი ტენდენციები , რომელსაც ადგილი ჰქონდა გასულ წლებში. აქვე შესულია ყველა ის მნიშვნელოვანი მოვლენა, რომელსაც ადგილი ჰქონდა გასულ წელს და ძალიან დეტალურად არის გაშლილი სასჯელაღსრულების დაწესებულებებში არსებული მდგომარეობა, ცნობილი ციხის კადრები."- განაცხადა ნანუაშვილმა.

როგორც ომბუდსმენმა აღნიშნა, გასულ წელს სასჯელაღსრულების დაწესებულებებში გარდაიცვალა 67 პატიმარი და გარდაცვლილთა საშუალო ასაკი არის 44 წელი, აღსანიშნავია, ის, რომ გარდაცვალებულთა დიდი ნაწილი ციხის სკანდალური კადრების გავრცელებამდე არის გარდაცვლილი.
ომბუდსმენი ასევე შეეხო პატიმართა რაოდენობას და აღნიშნა, რომ საპყრობილეებში პატიმართა რაოდენობა 12 000-ით შემცირდა. ის მიესალმება ამნისიტიასა და პოლიტპატიმრების გათავისუფლაბას და სთვაზობს პარლამენტს, რომ დაიწყოს ამ პირთა რეაბილიტაციის პროცესი.