კანიე ვესტი დემნა გვასალიას მოპარვას აპირებს

ეს საინტერესოა - 13:59, 25 Feb, 2016

8674

ქართველი დიზანიერის, Balenciaga-ს კრეატიული დირექტორისა და ბრენდ Vetements-ის შემქმნელის დემნა გვასალიას მიმართ ამერიკელი რეპერის კანიე ვესტის სიმპატიები მოდის სფეროში ცნობილია. ვესტი ხშირად გამოხატავს მისდამი განსაკუთრებულ განწყობას. როგორც ჩანს, კანიე ვესტს დიდი სურვილი აქვს გვასალია საკუთარ გუნდში იხილოს.

„ვაპირებ, დემნა Balenciaga-ს მოვპარო“ - წერს კანიე ვესტი თვითერზე და დემნას ფოტოს აქვეყნებს.

ცოტა ხნის წინ კანიემ დემნა გვასალიასთან და "ვოგის" მთავარ რედაქტორ ანა ვინტურთან ერთად გადაღებული ფოტო გამოაქვეყნა, წარწერით - "ბოსები."

"თუ არსებობს ვინმე, ვინც კანიე უესტს ისე უყვარს როგორც საკუთარი, თავი მაშინ ეს დემნა გვასალიაა. კანიე აბოდებს ქართველ დიზაინერზე 2014 წლიდან, მას შემდეგ რაც დემნამ პარიზში საკუთარი ბრენდი შექმნა" - წერს Fashionista.com-ი.

დემნა გვასალია „ბალენსიაგას“ კრეატიული დირექტორი 2015 წლის ნოემბერში გახდა. ბრენდ Vetements-ის სათავეში დემნასთან ერთად მისი ძმა გურამ გვასალია დგას. მათი სახასიათო ნიშანი დიდი ზომის სამოსი, ყვავილების პრინტებიანი კაბები და გადაკეთებული ჯინსებია. გვასალია რვა წლის განმავლობაში Margiela-ს კულისებში მუშაობდა. თანამშრომლობდა ლუი ვიტონთანაც. გვასალიას მეისონ მარტინ მარჯიელას "სულიერ შვილს" უწოდებდა. გამოცემა, businessoffashion.com კი მას ვუნდერკინდ ქართველ დიზაინერს უწოდებს.