17 წლის გოგონა, რომლის ვინაობაც არ სახელდება, Daily Mail-ის ჟურნალისტებს მოუყვა, თუ როგორ აწამებდნენ მას „ისლამური სახელმწიფოს“ ტერორისტები.

გოგონა იურისტობაზე ოცნებობდა, მაგრამ იგი ტერორისტებმა შეიპყრეს და 9 თვის განმავლობაში მათ სექსუალურ მოთხოვნილებებს აკმაყოფილებდა.

ამ ხნის განმავლობაში გოგონას მუდმივად აუპატიურებდა 9 ტერორისტი. იგი თვითმკვლელობაზე ფიქრობდა, მაგრამ მუდმივად თვალთვალის ქვეშ იმყოფებოდა.

„მე თავსაფარი შემოვიხვიე ყელზე და თავის მოკვლა მსურდა. ისე ძლიერად ვუჭერდი, თავბრუ დამეხვა, მაგრამ შემოვარდა ერთი ტერორისტი, შემომხსნა თავსაფარი და რამოდენიმეჯერ ჩამარტყა,“ - ყვება გოგონა.

მისი სიტყვებით, ტერორისტები მარტო სექსუალური ძალადობით არ შემოიფარგლებოდნენ ხოლმე. მას სასტიკად სცემდნენ, ხშირად ტოვებდნენ საჭმლისა და წყლის გარეშე, მიუხედავად არაერთგზის მოთხოვნისა, არანაირ სამედიცინო დახმარებას არ უწევდნენ. გოგონამ საკუთარი ხელით გაიკეთა აბორტი, მას შემდეგ რაც 60 წლის ტერორისტისგან დაფეხმძიმდა.

ამ საშინელებების შემდეგ გოგონა საშინელ ტკივილებს გრძნობდა მუცლის ქვედა ნაწილში. მას მხოლოდ მის ბედს ქვეშ მყოფი სხვა გოგონები უწევდნენ დახმარებას. გოგონა ერთხელ მარილიან აბაზანაში ჩააწვინეს და წყალი მუქი წითელი გახდა, მისი სხეულიდან გამომავალი სისხლის გამო.

„ყველაზე საშინელი განცდა მაშინ დამეუფლა, როდესაც რამდენიმე მათგანმა ჩემი თანდასწრებით ნიღაბი მოიხსნა, ეს მათ ადრე არ გაუკეთებიათ... ტერორისტებში რომლებიც მე მაუპატიურებდნენ, მეზობლად მცოვრები ნაცნობი ექიმი და მასწავლებელი ამოვიცანი,“ - აცხადებს გოგონა,