ის გახდა პირველი ბავშვი, რომელიც უნიკალური მეთოდით დაიბადა

ის გახდა პირველი ბავშვი, რომელიც უნიკალური მეთოდით დაიბადა - სასწაულები ნამდვილად ხდება

ეს საინტერესოა - 15:35, 23 Feb, 2016

74685

ისტორიაში პირველად, შვედეთში, საშვილოსნოს გადანერგვის შედეგად, მსოფლიოში პირველი ბავშვი დაიბადა. უნიკალური მეთოდი პირველად და წარმატებით, გასულ წელს, გოტენბურგის უნივერსიტეტის ექიმებმა გამოიყენეს. 36 წლის შვედი ქალი მალინი რაკიტან-კიუსტნერის სინდრომით, საშვილოსნოს გარეშე დაიბადა, ამიტომ თავიდანვე შეგუებული იყო, რომ შვილს ვერასოდეს გააჩენდა.

მალინსა და კლასს ერთმანეთი ძალიან უყვარდათ და შვილის ყოლას სუროგატი დედის დახმარებით აპირებდნენ. თუმცა, მათ ცხოვრებაში ნამდვილი სასაწაული მოხდა. მალინის 61 წლის ნათესავმა, რომელსაც შვილები და შვილიშვილებიც ჰყავდა, გადაწყვიტა წყვილისთვის საშვილოსნო დაეთმო.

სარისკო ექსპერიმენტი გოტენბურგის უნივერსიტეტში ჩატარდა. 36 წლის მალინს 61 წლის ქალის საშვილოსნო გადაუნერგეს. ოპერაციიდან თორმეტი თვის შემდეგ ქალის უკვე ახალ საშვილოსნოში სინჯარიდანემბრიონის იმპლანტირება მოახდინეს (ემბრიონი მისი კვერცხუჯრედისა და მისი პარტნიორის სპერმატოზოიდებისგან იყო შექმნილი). შედეგად დაიბადა ბიჭუნა.

ბავშვი დროზე ადრე დაიბადა, მისი წონა 1,8 კილოგრამი იყო. თუმცა , მის ჯანმრთელობას პრობლემა არ შექმნია. ბიჭუნა ახლა ერთი წლის არის და არაფრით განსხვავდება სხვა ბავშვებისგან. ის ისეთივე ჯანმრთელი და აქტიურია, როგორც მისი თანატოლები.

როგორც გაირკვა, მალინი ერთ-ერთი იყო ექსპერიმენტში მონაწილე 9 ქალბატონიდან, რომლებსაც 2 წლის წინ საშვილოსნო გადაუნერგეს.