ილია მეორე: ,,ადამიანი გახდა მომთხოვნი და არ ფიქრობს, თვითონ რას აძლევს სხვას’’

საზოგადოება - 16:54, 31 Mar, 2013

423

,,რომ გადავხედოთ ჩვენს წარსულს, დღევანდელ დღეს და შევიხედოთ მომავალში, დავინახავთ, რომ დრონი იცვლებოდნენ, იცვლებიან და ჩვენც ვიცვლებით, სად მიდის კაცობრიობა? დღეს კაცობრიობა გახდა უფრო მომთხოვნი, არ კმაყოფილდება იმით, რაც გააჩნია, სულ ახალ-ახალი სიამოვნება სჭირდება მას და ამ პროცესს არ აქვს დადასრული. ჩვენ ძალიან ხშირად ვითხოვთ დახმარებას თუ ყურადღებას. ადამიანი გახდა მომთხოვნი და იმაზე ნაკლებად ფიქრობს, თვითონ რას აძლევს სხვას, რას აძლევს სამშობლოს", - ბრძანა პატრიარქმა და სამშობლოსადმი ვალდებულების მაგალითად კენედის სიტყვები მოიყვანა:

,,მე მახსენდება კენედის ისტორიული სიტყვები, რომელმაც თავის ერს უთხრა, "თქვენ ნუ ფიქრობთ იმაზე, სამშობლომ რა უნდა მოგცეთ. იმაზე იფიქრეთ, თქვენ რას აძლევთ სამშობლოს", ეს კითხვა დღესაც აქტუალურია ჩვენს წინაშე. ჩვენ რომ რაღაც მივცეთ სამშობლოს, უპირველეს ყოვლისა, უნდა ვიპოვოთ ჩვენი ადგილი ამ ცხოვრებაში, ვინ ვართ, რას ვაკეთებთ, სად მივდივართ. ეს უნდა გვაწუხებდეს, აწუხებდეს ჩვენს მშობლებს და მასწავლებლებს. განსაკუთრებით კი ფსიქოლოგებს, ფსიქოლოგები ჯერ-ჯერობით ვერ ართმევენ თავს", - ბრძანა უწმინდესმა და აქვე ფსიქოლოგების როლზეც მიუთითა:

,, ჩემი აზრით, ნებისმიერ დაწესებულებაში უნდა იყოს ფსიქოლოგი და ეს ბევრად გაგვიადვილებს ცხოვრებას", - ბრძანა პატრიარქმა.