ინდოეთის შტატ ქაშმირში სამხედროებმა ალყა შემოარტყეს სახლს, სადაც შეიარაღებულ ბოევიკებს მძევლები ყავთ დატყვევებული.

ადგილობრივი მედიის ცნობით, შეიარაღებულმა პირებმა დაიკავეს ქალაქ შრინაგარის სახელმწიფო დაწესებულების შენობა. თანამშრომლების ერთმა ნაწილმა შესძლო შენობიდან გაქცევა, თუმცა არსებობს ეჭვი, რომ ზოგიერთი მათგანი ბოევიკებმა დაატყვევეს. შენობასთან ამჟამად ორმხრივი სროლა ისმის.

ადგილობრივი ხელისუფლება აცხადებს, რომ მებრძოლები ისლამისტურ დაჯგუფებას ეკუთვნიან, რომლებიც ქაშმირის შტატის ამ ნაწილის პაკისტანთან მიერთების მოთხოვნით გამოდის.

შეგახსენებთ, რომ ქაშმირი სადავო ტერიტორიაა, რომელზეც პრეტენზიას ინდოეთი და პაკისტანი აცხადებს. 1949 წელს გაერომ დაპირისპირებულ მხარეთა შორის სადემარკაციო ხაზი გაავლო.