2015 წლის ბოლოს ერაყის ხელისუფლებამ განაცხადა, რომ ნოემბერში ბასრასთან მდებარე საწარმოდან დაიკარგა რადიაქტიური ნივთიერებები. ეს არის ირიდიუმ-192-ის რამდენიმე კაფსულა, რომლის საერთო წონა 10 გრამია. მიუხედავად სპეცსამსახურების დაუღალავი სამძებრო სამუშაოებისა, დაკარგული ირიდიუმის პოვნა ჯერჯერობით ვერ მოხერხდა.

ვრცელდება ცნობები, რომ ეს ნივთიერება შესაძლოა „ისლამური სახელმწიფოს“ ტერორისტების ხელში აღმოჩნდა. შესაბამისად, არსებობს საფრთხე, რომ ტერორისტები ამ ნივთიერებისაგან ე.წ. „ბინძურ ბომბს“ დაამზადებენ.

ირიდიუმისგან შეუძლებელია ჩვეულებრივი ბირთვული იარაღის დამზადება, მაგრამ მისგან შემნილი ბომბი საკმრისად დიდ საფრთხეს შეიცავს. „ბინძური ბომბი“ არის ერთგვარი ასაფეთქებელი მოწყობილობა, რომელშიც თავსდება რადიოოაქტიური ნივთიერება და აფეთქების შედეგად ხდება გარკვეული ტერიტორიის რადიოაქტიური დაბინძურება. შეგახსენებთ, რომ ირიდიუმი მეორე ადგილზეა სიცოცხლისათვის საშიშ რადიოაქტიურ ნივთიერებებს შორის.

„აფეთქებამ, რომლის შემდეგაც ირიდიუმი გამოიწვევს გარკვეული ტერიტორიის დაბინძურებას, შესაძლოა რამდენიმე საათსა თუ დღეში მოკლას აფეთქების ეპიცენტრიდან რამდენიმე კილომეტრზე მყოფი ადამიანები. მისი ძალა დამოკიდებულია ირიდიუმის ასაკზე, რაოდენობასა და აფეთქების სიძლიერეზე.“ - აცხადებს ბრიტანელი ექსპერტი მაიკლ პომპერი.