კომპრომისი მიღწეულია - ბრიტანეთი ევროკავშირში რჩება

მსოფლიო - 11:49, 20 Feb, 2016

1843

დიდი ბრიტანეთი ევროკავშირში რჩება - ეს გადაწყვეტილება ორდღიანი მოლაპარაკების შემდეგ იქნა მიღებული. საერთაშორისო მედიის ცნობით, 28 ქვეყნის ლიდერები ევროკავშირში ბრიტანეთის დარჩენის ახალ პირობებზე შეთანხმდნენ.

ლიტვის პრეზიდენტმა დალია გრიბაუსკაიტემ გაავრცელა, მოგვიანებით კი ინფორმაცია დონალდ ტუსკმა და ჟან კლოდ იუნკერმაც დაადასტურეს.

დეივიდ კამერონის განცხადებით, "ეს სამართლიანი" გადაწყვეტილებაა. შეთანხმების შედეგად ქვეყანას განსაკუთრებული სტატუსი ენიჭება, რაც მას საშუალებას მისცემს, ოფიციალური ლონდონის ევროკავშირში დარჩენის სასარგებლოდ კამპანია განაგრძოს.

პოლიტიკური ვაჭრობა რამდენიმე თვის დაიწყო. ევროკავშირში დარჩენის სანაცვლოდ, დევიდ ქემერონი ბრიუსელს 4-პუნქტიანი გეგმა შესთავაზა. ლონდონში თვლიდნენ, რომ ევროკავშირმა მკაფიოდ, განცხადებით უნდა დაადასტუროს, რომ ბრიტანეთი არ მიიღებს მონაწილეობას ე.წ. ევროპული სუპერსახელმწიფოს შექმნაში, ევრო კავშირის ერთადერთი ვალუტა არ იქნება. ასევე, ბრიტანეთის პარლამენტს მეტი ძალაუფლება უნდა ჰქონდეს, რომ საჭიროების შემთხვევაში უარყოს ევროდირექტივები და უნდა მოხდეს ევროკავშირის რეორგანიზაცია.