კაცმა უსინათლო ცოლის ოცნების ახდენას 30 წელი მოანდომა - სიყვარულის საოცარი ისტორია (ფოტოკოლაჟი)

ეს საინტერესოა - 16:50, 19 Feb, 2016

3395

მათი ისტორია 60 წლის წინ დაიწყო. 1956 წელს, იაპონიის სოფელ სინტომში ტოსიუკი და იასიკო ახალგაზრდები შეუღლდნენ. ერთმანეთს თითქმის არ იცნობდნენ. ბიჭს საცოლე მშობლებმა შეურჩიეს და ქორწილიც შედგა. თუმცა ერთმანეთი ძალიან შეუყვარდათ და სამი შვილის ეყოლათ. ტოსიუკი და იასიკო საოჯახო მეურნეობით იყვნენ დაკავებულები, ჰქონდათ ფერმა და მუხლჩაუხრელად შრომობდნენ. როდესაც შვილები გაიზარდნენ, დაოჯახდნენ და თავიანთ გზას დააგდნენ, გადაწყვიტეს მთელი ცხოვრების განმავლობაში შეგროვებული თანხით ემოგზაურათ და ყვავილების გამოფენა ენახა. იასიკო ბავშვობიდან ოცნებობდა ყვავილების გამოფენა ენახა და მათი სურნელი შეეგრძნო. მათ სურვილს ხელს არაფერს უშლიდა, რომ არა ქალის ავადმყოფობა. მოულოდნელად მას თვალები ატკივდა, ერთ კვირაში კი მხედველობა სრულად დაკარგა. ქალი სასოწარკვეთამ მოიცვა და სახლში ჩაიკეტა. ახლობლებთან კონტაქტსა და გარეთ გასვლაზე უარი თქვა. გადიოდა დღეები, კვირები და იაიკო გარესამყოსთან კონტაქტს უფროდაუფრო წყვეტდა. ტოსიუკმა გადაწყვიტა, რომ თუკი მისი ცოლი გამოფენაზე არ წავიდოდა და ხალხთან ურთიერთობაზე აუარს იტყოდა, ყვავილები და ხალხი თვითონ მოვიდოდნენ მასთან. უცნაურად ჟღერს, მაგრა ტოსიუკმა ჩანაფიქრს მიაღწია. ამის შესარულებლად კი მას 30 წელი დასჭირდა. 30 წლის განმავლობაში საკუთარ ეზოში ყვავილებს რგავდა და ის უზარმაზარ ბაღად აქცია.

მას შემდეგ რაც ბაღში ყვავილებმა გაიხარა, დილაობით, იასიკოს ოთახში საოცარი სურნელი ტრიალებდა. როდესაც ქმრის საქციელის შესახებ გაიგო, მას სიცოცხლის სურვილი დაუბრუნდა და ქმარს გარეთ გაყვანა სთხოვა. ეს იყო მისი პირველი შეხება გარესამყაროსთან.

წლების განმავლობაში ტოსიუკი ყვავილების დარგვას აგრძელებდა. სახლში არსებული საოცარი ბაღის შესახებ სულ უფროდაუფრო ბევრი ხალხისთვის გახდა ცნობილი. მის სანახავად ჯერ მეზობელი სოფლებიდან, შემდეგ ქალაქებიდან , ბოლოს კი სხვადასხვა ქვეყნებიდან დაიწყეს სიარული.

ადამიანებთან ურთიერთობამ იასუკი დაარწმუნა, რომ ცხოვრება გრძელდება და საკუთარ თავში ჩაკეტვა ერთადერთი გამოსავალი არ არის.

ყოველ გაზაფხულზე სინტომში ტურისტების თავშეყრის ადგილი ხდება. 3 000 კვადრატუ მეტრზე გადაჭიმული ვარდისფერი უსასრულო ხალიჩის სანახავად ათასობით მნახველი მიდის. მუდამ მომღიმარი წყვილი კი ნებისმიერ დროს სიხარულით მასპინძლობს მათ.