"ტურისტული მიმოსვლა რუსეთ-საქართველოს ურთიერთობისთვის მნიშვნელოვანია"

"ტურისტული მიმოსვლა რუსეთ-საქართველოს ურთიერთობისთვის მნიშვნელოვანია" - რომან სკორი

მსოფლიო - 12:22, 19 Feb, 2016

2121

რუსეთის ტურიზმის ფედერალური სამსახურის ხელმძღვანელის მოადგილის, რომან სკორის განცხადებით, ტურისტული მიმოსვლა რუსეთსა და საქართველოს შორის მნიშვნელოვანია ორი ქვეყნის ურთიერთობისთვის.

როგორც გამოცემა „ტასსი“ იტყობინება, სკორის თქმით, რუსეთმა და საქართველომ ტურიზმის სფეროში უკვე მიაღწიეს პროგრესს, თუმცა, ორივე ქვეყანამ ტურიზმის პოტენციალი უფრო ხარისხიანად უნდა გამოიყენოს.
„მიმდინარე წელს, მარტო იანვრის თვეში 44 000-ზე მტი რუსი ტურისტი ჩავიდა საქართველოში. ციფრი შთამბეჭდავია, ზრდა დიდია. ვიმედოვნებთ, რომ დიდი იქნება საქართველოდან რუსეთში ჩამომსვლელთა რიცხვიც" - განაცხადა სკორიმ და დასძინა, რომ ტურისტული მიმოსვლა რუსეთსა და საქართველოს შორის მნიშვნელოვანია ორი ქვეყნის ურთიერთობისთვის.

რომან სკორმიმ მადლობა გადაუხადა საქართველოს ტურიზმის ეროვნულ ადმინისტრაციას მეგობრული და კეთილმეზობლური კავშირებისთვის, რაც, მისი თქმით, „ტურისტების ნაკადის გაზრდასა და ქართველი და რუსი ხალხის დაახლოებას შეუწყობსხ ხელს.“

18 თებერვალს. თბილისში რუსეთის ტურიზმის სამსახურმა რუსეთის ტურისტული პოტენციალის შესახებ პრეზენტაცია გამართა. რომან სკორი საქართველოს ტურიზმის ეროვნულ ადმიანისტრაციის ხელმძღვანელს, გიორგი ჩოგოვაძესაც შეხვდა.