ლევან ჯავახაძე: სოსო პავლიაშვილის ბრალეულობა აბსურდულია

სამართალი - 14:01, 30 Mar, 2013

1186

მისი განცხადებით, სოსო პავლიაშვილის სახელი ამ საქმეში მას შემდეგ გამოჩნდა, რაც გაირკვა, რომ ვახტანგ ჩხაპელია მისი დის ქმარი და ადუაშვილის ბავშვობის მეგობარია.

ჯავახაძის თქმით, საქმეში სულ ექვსი განსასჯელია და აქედან რამდენიმე დუმილის უფლებას იყენებს.

გავრცელებული ინფორმაციით ბიზნესმენი ავთო ადუაშვილი 2012 წლის ნოემბერში სავაჭრო ცენტრ ქარვასლასთან საკუთარ მანქანაში ჩაცხრილული იპოვეს, გუშინ კი გავრცელდა ცნობა, რომ რუსეთში მცხოვრები ქართველი მომღერლის სოსო პავლიაშვილის წინააღმდეგ სისხლის სამართლის საქმნე აღიძრა, რომელშიც ადუაშვილის მკვლელობის შემკვეთად სოსო პავლიაშვილი დასახელდა, რის გამოც მის წინააღმდეგ სისხლის სამართლის საქმე ცალკე გამოიყო.

"თავიდანვე აბსურდული არის სოსო პავლიაშვილის ამ საქმესთან დაკავშირება, რადგან სოსო პავლიაშვილი არის ჩემი დაცვის ქვეშ მყოფის ცოლის ძმა და გარდაცვლილის ბავშვობის მეგობარი და პროკურატურას აქვს რაღაც საფუძველი იმისა, რომ ინფორმაცია გადაამოწმოს, მაგრამ ეს არ ნიაშნავს იმას, რომ სოსო პავლიაშვილი რაიმე შეხებაშია ამ საქმესთან . ჩემი დაცვის ქვეშ მყოფი თავს არ სცნობს დამნაშავედ, მოვა დრო და დამტკიცდება მისი უდანაშაულობა და შესაბამისად ის მითი, რომ სოსო პავლიაშვილი რაიმე კავშირშია ამ საქმესთან მაშინვე გაქარწყლდება".-აცხადებს ჯავახაძე.