უგანდაში საპრეზიდენტო არჩევნები მიმდინარეობს. მასში უკვე მეხუთედ მონაწილეობს და გამარჯვების რეალური შანსიც აქვს ამჟამინდელ პრეზიდენტს, 71 წლის იოვერი მუსევენის, რომელიც უკვე 30 წელია მართავს ქვეყანას. ამისთვის მან 2006 წელს წინ კონსტიტუციაც კი შეცვალა.

თუმცა, მისი ასაკი და მმართველობის ხანგრძლივობა სულაც არ არის განსაკუთრებული...

გთავაზობთ იმ პოლიტიკოსების სიას, რომელიც ყველაზე ხანგრძლივად არიან ხელისუფლებაში თან საკმაოდ ასაკოვანნიც არიან...

დავიწყოთ მონარქებით.

88 წლის ფხუმიპონ ადულიადეტი ტაილანდს 70 წელია მართავს.

დიდი ბრიტანეთისა და ჩრდილოეთ ირლანდიის გაერთიანებული სამეფოს დედოფალი ელისაბედ მეორე. წელს მას 90 წელი უსრულდება და 63 წელი ხდება, რაც ყველაზე ძლიერ მონარქიას უდგას სათავეში.

ბრუნეის სულთანი ჰასსანალ ბოლკიახი 70 წლის ხდება და 49 წელია მართავს ქვეყანას.

მონარქების ხანგრძლივი მმართველობა და ხანდაზმული ასაკი ნაკლებად გასაკვირია. არიან ქვეყნმები, სადაც ერთიდაიგივე ადამიანებს ათწლეულობით უპყრიათ ქვეყნის სადავეები ხელთ, მიუხედავად მათი ასაკისა.

კამერუნის პრეზიდენტი პოლ ბიია 82 წლისაა და სახელმწიფოს მეთაური 1975-ში გახდა. 7 წელი იგი პრემიერ-მინისტრი იყო, ხოლო შემდეგ პრეზიდენტი გახდა.. წელს მას მმართველობის 41 წელი უსრულდება.

ანგოლის პრეზიდენტი ჟოზე ედუარდო დუშ სანტუში 76 წლისაა და ცხოვრების ნახევარი - 36 წელი სახელმწიფოს სათავეში გაატარა.

ასაკით ყველზე მხცოვანი, ზომბაბვეს პრეზიდენტი 92 წლის რობერტ მუგაბე 1980 წლიდან ქვეყნის პრემიერი და ფაქტობრივი მმართველი იყო, ხოლო 1987 წლიდან იგი ქვეყნის პრეზიდენტია.