ჩუღურეთის რაიონში ინფრასტრუქტურული სამუშაოები მიმდინარეობს

საზოგადოება - 13:29, 17 Feb, 2016

1064

ჩუღურეთის რაიონში საგზაო ინფრასტრუქტურის მოწესრიგება გრძელდება. უშანგი ჩხეიძის N33-სა და ხეთაგუროვის N6-ში მიმდინარე სამუშაოები ჩუღურეთის რაიონის გამგებლმა ზურაბ ჩიკვილაძემ დაათვალიერა.

უშანგი ჩხეიძის N33-ში, საგზაო ინფრასტრუქტურის კეთილმოწყობა რამდენიმე დღის დღის წინ დაიწყო და მარტის დასაწყისში დასრულდება. 200 კვადრატული მეტრის ფართობზე მიმდინარეობს გზის დაზიანებული საფარის მოხსნა, რის შემდეგაც დაიგება ასფალტის ახალი საფარი, მოეწყობა ბორდიურები და გზის სავალი ნაწილი.

ხეთაგუროვის N6-ში, მდებარე კორპუსის ეზოში შეიცვალა წყლის მილი. აღნიშნულ მისამართზე დაგეგმილია 1000 მ2 ასფალტის საფარის დაგება.

„ჩუღურეთის რაიონში ინფრასტრუქტურული სამუშაოები ინტენსიურად და გეგმა-გრაფიკით მიმდინარეობს. 2016 წლის პირველ ნახევარში დაგეგმილია ათეულობით შიდა ეზოსა და ქუჩის მოწესრიგება. ჩვენთვის მნიშვნელოვანია ტენდერში გარჯვებულმა კომპანიებმა ხარისხიანად და გათვალისწინებულ ვადებში უზრუნველყონ მიმდინარე სამუშაოების შესრულება.“ - განაცხადა ზურაბ ჩიკვილაძემ.

ჩუღურეთის რაიონში, მიმდინარე წლის საბიუჯეტო ასიგნებებით, გზებისა და შიდა ეზოების მოასფალტებისთვის 2 650 000 ლარია გათვალისწინებული.