გაფიცვა ცაიშში - სასათბურე მეურნეობის თანამშრომლები ხელფასის გაზრდას ითხოვენ

საზოგადოება - 13:17, 16 Feb, 2016

1912

ზუგდიდის მუნიციპალიტეტის სოფელ ცაიშში სასათბურე მეურნეობაზე დასაქმებულები გაიფიცნენ. როგორც "ნიუპოსტის" რეგიონალური კორესპოდენტი ადგილიდან იტყობინება, გაფიცულია სათბურის 50-მდე თანამშრომელი.
მათი მთავარი მოთხოვნა ყოველდღიური ანაზღაურების 5 ლარით გაზრდაა.
როგორც ირკვევა დღეის მდგომარეობით, ამჟამად მათი ყოველდღიური ანაზღაურება 20 ლარს შეადგენს.
აქციის მონაწილეთა განცხადებით, მათი მოთხოვნის შემდეგ ადმინტრაციამ ისინი სამსახურიდან დაითხოვა.
"STIMOR Associate“ - ი თანამშრომელთა გათავისუფლების ფაქტს არ ადასტურებს, თუმცა იქვე ამბობს, რომ მოთხოვნას ვერ დააკმაყოფილებს, რადგან შემოსავალმა იკლო.
ბოლო ინფორმაციით, კომპანის წარმომადგენლის განცხადების შემდეგ რამოდენიმე თანამშრომელი სამუშაო ადგილს დაუბრუნდა, თუმცა დანარჩენი ნაწილი პროტესტს აგრძელებს და დაშლას მოთხოვნის არ აპირებს.
კომპანია „STIMOR Associate“- მა სოფელ ცაიშში სასათბურე მეურნეობაში 8 მილიონი აშშ დოლარის ინვესტიცია განახორციელა, საიდანაც 2 მილიონი „აწარმოე საქართველოში” ფარგლებში მიიღო.
სასათბურე მეურნეობა ექსპლოატაციაში შარშან და ის საქართველოს ყოფილმა პრემიერ-მინისტრმა ირაკლი ღარიბაშვილმა გახსნა.