ვინ არის მეეზოვე, რომელმაც გლდანში გამვლელები უბედური შემთხვევისგან იხსნა

საზოგადოება - 21:46, 15 Feb, 2016

13083

მეეზოვე, რომელსაც გლდანში ახმეტელის მეტროსთან მაღალი გამავლობის ჩამოვარდნილი კაბელი გარკვეული ხანი ცოცხით დაიჭირა და ამით გამვლელები უბედური შემთხვევისგან იხსნა სიგელით დააჯილდოვეს. ინფორმაციას ამის შესახებ გლდანის გამგეობა ავრცელებს:
”გლდანის რაიონის სპეც-ბრიგადის დამგველი მიკიჩა შავეშოვი, 12 თებერვალს, ახმეტელის მეტროსთან, სამსახურეობრივ მოვალეობას ასრულებდა, როდესაც
საავტომობილო გზაზე მაღალი გამავლობის ელექტროკაბელი ჩამოვარდა. დამგველი არც დაფიქრებულა, საკუთარი სიცოცხლის რისკის ფასად, ტრასაზე თითქმის ერთი საათის მანძილზე კაბელი ცოცხით ეკავა, ისე რომ არც მოძრაობა შეჩერებულა და არც არავინ დაშავებულა.
მიკიჩა შავეშოვი უკვე 10 წელია გლდანის ბრიგადის დამგველად მუშაობს. მას ოთხი შვილი ყავს და ამბობს, რომ ცდილობს ყველა კარგ მოქალაქედ გაზარდოს. ის თავმდალი ადამიანია - ,,მე ჩემს მოვალეობას ვასრულებდი“ - ხმადაბლა გვითხრა მიკიჩამ.
გლდანის რაიონის გამგებელმა ბესიკ ქარცივაძემ, დასუფთავების სამსახურის გლდანი-ნაძალადევის განყოფილების უფროსთან, დავით ბურჭულაძესთან, ერთად მიკიჩა შავეშოვი გამგეობაში მიიწვია, მადლობა გადაუხადა და სიგელი გადასცა აქტიური სამოქალაქო ჩართულობისა და თანადგომისათვის.”- წერია გლდანის გამგეობის ფეისბუკგვერდზე.