მსოფლიოს გაერთიანებული ჭიდაობის ფედერაციამ (UWW) თავისუფალ ჭიდაობაში იანვარში ჩატარებული საერთაშორისო ტურნირების მიხედვით, რეიტინგ ლისტი განაახლა. საქართველოს 8 წონით კატეგორიაში პირველ ადგილზე ერთადერთი მოჭიდავე ჰყავს - ვლადიმერ ხინჩეგაშვილი (57 კგ.).

მსოფლიოს ჩემპიონი და საქართველოს 2015 წლის საუკეთესო სპორტსმენი თავის წონით კატეგორიაში კვლავაც მსოფლიო რეიტინგის ლიდერია.

ხინჩეგაშვილის გარდა, რეიტინგში კიდევ 8 ქართველი შევიდა. გენო პეტრიაშვილი (125) და სანდრო ამინაშვილი (86) - მესამე პოზიციაზე არიან, ელიზბარ ოდიკაძე (97) - მეოთხეა, ჯუმბერ ყველაშვილი (86) - მე-8, ბექა ლომთაძე (61) - მე-10, დავით ტლაშაძე (70) - მე-11, ავთანდილ კენჭაძე (65) - მე-14, ხოლო დავით მოძმანაშვილი (125) - მე-17.