"რუსთაველზე, სმარტის წინ სისხლის გუბეები, სასწრაფოები და წივილ-კივილია..."

"რუსთაველზე, სმარტის წინ სისხლის გუბეები, სასწრაფოები და წივილ-კივილია..." - ფოტო ადგილიდან

კრიმინალი - 20:01, 11 Feb, 2016

43521

სისხლიანი გარჩევა მოხდა რუსთაველზე. თავდაპირევლად ინფორმაცია ამის შესახებ დეპუტატმა გივი თარგამაძემ სოციალურ ქსელში გაავრცელა:
"მე კი ვარ ციხისძირში, მაგრამ ამასობაში რუსთაველის გამზირზე, სმარტის წინ სისხლის გუბეები, სასწრაფოები და წივილკივილია. 15 წლის ბიჭებმა დაჭრეს ერთმანეთი. კრიმინალი შემცირდა..."- წერს გივი თარგამაძე.

როგორც "ნიუპოსტის" კორესპონდენტს ადგილზე განუცხადეს შელაპარაკება სუპერმარკეტის მომხმარებლებსა და სმარტის დაცვის თანამშრომლებს შორის მოხდა. ინციდენტის შედეგად დაიჭრა დაცვის თანამშრომელი, ორ ახალგაზრდას კი სხვადასხვა დაზიანებები აქვთ მიღებული. სამივე პირი ამ დროისთვის საავადმყოფოშია გადაყვანილი. ადგილზე მყოფი სამართალდამცავები ამ დროისთვის კომენტარს არ აკეთებენ.
დამატებით ინფორმაციას "ნიუპოსტი" მიღებისთანავე მოგაწვდით.

შს სამინისტროს ინფორმაციით, სუპერმარკეტ სმარტთან მომხდარ ფაქტზე გამოძიება დაიწყო სისხლის სამართლის კოდექსის 239-ე მუხლით, რაც ხულიგნობას გულისხმობს. სხეულის მსუბუქი დაზიანებებით საავადმყოფოში 2 პირია გადაყვანილი. რაც შეეხება სისხლის გუბეებს, როგორც უწყების პრესსამსახურში აცხადებენ, შემთხვევის ადგილას არც ერთი გუბე არ ყოფილა, რადგან დაშავებულებს მსუბუქი ჭრილობები აქვთ მიყენებული.