სამეგრელოში გაუჩინარებულის ძმა ეჭვობს, რომ ბიზნესმენი გაიტაცეს

კრიმინალი - 16:14, 11 Feb, 2016

1753

ზუგდიდის მუნიციპალიტეტის სოფელ რუხის ტყეში, საიდანაც მცირე ბიზნესის წარმომადგენლები გაუჩინარდნენ, კრიმინალისტები აქტიურ სამუშაოებს აწარმოებენ.

როგორც "ნიუპოსტის" კორესპოდენტი ადგილიდან იტყობინება, სამართალდამცავებმა, იქვე მდებარე მდინარიდან რამდენიმე მობილური ტელეფონი ამოიტანეს.
სპეციალისტები ახლა იმის დადგენას ცდილობენ კონკრეტულად ვის ეკუთვნის აღნიშნული ნივთი. სამართართალდამცავებმა ასევე დაათვალიერეს "ფორდის" მარკის მიკროავტობუსი, რითაც პირები გაუჩინარებამდე გადაადგილდებოდნენ.
როგორც ექსპერტებმა ჩვენს ჟურნალისტს უთხრეს, ავტომობილში სისხლის კვალი არ აღმოუჩენიათ.
"ნიუპოსტი" ერთ-ერთი გაუჩინარებულის პაატა ჩუბინიძის ძმას ესაუბრა, რომელიც ეჭვობს, რომ მისი ძმა და ბიძაშვილი გაიტაცეს.
ჩუბინიძის ოჯახის წევრი აცხადებს, რომ მის ძმას თან 3 000 ლარი ჰქონდა. რაც შეეხება გაუჩინარებულის ტელეფონზე 8 თებერვალს განხორციელებულ ზარს, რესპოდენტი ამბობს, რომ მის ძმას სამეგრელოდან დაურეკეს და საქონლის დიდი პარტიას შეჰპირდნენ.
შეგახსენებთ, რომ პაატა ჩუბინიძე მასთან ერთად მყოფ ორ პირთან ერთად სამი დღის წინ გაუჩინარდა.

როგორც ირკვევა, დაკარგულებიდან ორი - პაატა ჩუბინიძე და მისი ბიძაშვილი ზესტაფონის მუნიციპალიტეტის სოფელ საზანოდან არიან. მათი პარტნიორი კი რომელიც ასევე გაუჩინარდა, ხობის მკვიდრია.

აღნიშნულ პირებს ხორცის ბიზნესი ჰქონდათ და სამეგრელოში პირუტყვის შეძენით იყვნენ დაკავებულები. ხორცის ექსპორტს კი თათრეთში ახორცილელებდნენ.
მომხდარ ფატზე შსს- მ გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს.