სამეგრელოში სამი ბიზნესმენი საეჭვო ვითარებაში გაუჩინარდა

კრიმინალი - 14:57, 11 Feb, 2016

5454

სამეგრელოდან სამი ადამიანი გაუჩინარდა. "ნიუპოსტის" რეგიონალური კორესპოდენტის ცნობით, მესამე დღეა ახლობლები მცირე ბიზნესით დაკავებულ სამ მამაკაცს ეძებენ.

როგორც ირკვევა, დაკარგულებიდან ორი - პაატა ჩუბინიძე და მისი ბიძაშვილი ზესტაფონის მუნიციპალიტეტის სოფელ საზანოდან არიან. მათი პარტნიორი კი რომელიც ასევე გაუჩინარდა, ხობის მკვიდრია.
აღნიშნულ პირებს ხორცის ბიზნესი ჰქონდათ და სამეგრელოში პირუტყვის შეძენით იყვნენ დაკავებულები. ხორცის ექსპორტს კი თათრეთში ახორცილელებდნენ.
როგორც "ნიუპოსტის" კორესპოდენტს დაკარგული ჩიბუნიძის ახლობელმა უთხრა, სამი დღის წინ პაატა ჩიბინიძის ტელეფონზე ზარი განხორციელდა. მას შეატყობინეს, რომ სოფელ ურთაში მოსახლეობა საქონლის გაყიდვას გეგმავდა. ჩუბინიძე ბიძაშვილთან ერთად "ფორდის" მარკის მიკრეოავტობუსით აღნიშნული სოფლისკენ 8 თებერვალს , დილის 6:00 საათზე გაემართა.
სწორედ ურთის გადასახვევთან იპოვეს დღეს მიტოვებული ავტომობილი. ადგილზე ამ წუთებში კრიმინალისტები მუშაობენ.
დაკარგულის ოჯახი ეჭვობს, რომ ბიზნესმენები გაიტაცეს. "იქ მიიტყუეს, ავტომობილი ტყეშია შეყვანილი"- ამბობენ ჩუბინიძეები.
მომხდარზე გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონოდ აღკვეთას გულისხმობს.