დღეს 112-ის დღეა, 11 თებერვალს, როგორც საქართველო, ასევე ევროპა გადაუდებელი დახმარების ნომრის - 112-ის დღეს აღნიშნავს.

ამ დღის აღნიშვნის მიზანია, გადაუდებელი დახმარების ნომრის ცნობადობის გაზრდა. დაიწყო სოციალური კამპანია „ერთად შევამციროთ არამიზნობრივი ზარები 112-ში“.

მნიშვნელოვანია, მოსახლეობამ იცოდეს, რომ 112-ზე უნდა დარეკონ მხოლოდ გადაუდებელი შემთხვევის დროს, მაშინ როცა ესაჭიროებათ პოლიცია, სახანძრო/სამაშველო სამსახური და სასწრაფო სამედიცინო დახმარება.

არამიზნობრივი ზარის განხორციელებით, 112-თან დაკავშირების საშუალება არ ეძლევა მათ, ვისაც რეალურად ესაჭიროება გადაუდებელი დახმარება.