შემზარავი ფაქტი საქართველოში - არასრულწლოვანი გოგონა ძმისგან შვილს ელოდება

საზოგადოება - 13:06, 08 Feb, 2016

32233

შემზარავი ფაქტი აღმოსავლეთ საქართველოში, გაზეთ "პრაიმტაიმის" ინფორმაციით, არასრულწლოვანი ბავშვს საკუთარი ძმისგან ელოდება. გოგონა 8 თვის ორსულია, ბრალდებულიც ასევე არასრულწლოვანია. გაზეთის ცნობით, არასრულწლოვან და-ძმას შორის სქესობრივი ურთიერთობა დამყარდა. ინცესტის შედეგად კი გოგონა დაორსულდა.
„მთელი სოფელი შოკში ვართ. გოგო ორსულობას დიდხანს მალავდა, ყოველ შემთხვევაში, ცდილობდა. ახლახან გავიგეთ, რომ უკვე 8 თვის ორსული ყოფილა. გინეკოლოგთან ჰყავდათ, თავიდან ნაყოფის მოცილება სურდა ოჯახს, მაგრამ 8 თვის ნაყოფი უკვე ჩამოყალიბებულია და ხელს ვინ მოჰკიდებდა. სიმართლე გითხრათ, ბავშვები მეცოდებიან, არასწორი აღზრდისა და უყურადღებობის შედეგია ეს ყველაფერი. როგორ გამოეპარათ მშობლებს მსგავსი რამ. ან ის ბავშვი რომ დაიბადება, როგორ იქნება, რა მომავალი აქვთ საერთოდ. წარმოუდგენელი რამაა. ბავშვს დღე-დღეზე გააჩენს“, – ამბობს ერთ-ერთი მეზობელი.

როგორც გამოცემა წერს, არასრულწლოვან და-ძმას შორის სქესობრივ ურთიერთობას სისტემატური ხასიათი ჰქონდა, თუმცა ბოლო დრომდე ოჯახს რაიმე საეჭვო არ შეუმჩნევია.

მომხდარის შესახებ ინფორმაცის შსს-შიც ადასტურებენ. უწყების ცნობით, ოჯახური ძალადობისა და გაუპატიურების ფაქტზე არასრულწლოვანი დაკავებულია. მას 5 თებერვალს სასამართლომ წინასწარი აღკვეთის ღონისძიების სახით პატიმრობა უკვე შეუფარდა. მისი ორსული და კი სპეციალურ თავშესაფარში გადაიყვანეს.