"გოგი თოფაძე როგორც პოლიტიკოსი გარდაცვლილია"

"გოგი თოფაძე როგორც პოლიტიკოსი გარდაცვლილია" - პროტესტი პარლამენტარს

საზოგადოება - 17:04, 04 Feb, 2016

1659

საქართველოს პარლამენტის დეპუტატის, გოგი თოფაძის მიერ გაკეთებული შეურაცხმყოფელი განცხადების საპასუხოდ დღეს, თბილისში, პარლამენტის შენობის წინ აქცია გაიმართა.

აქციის მონაწილეები პოლიტიკოსისაგან ბოდიში მოხდას არ ითხოვენ, მათი მოთხოვნა თოფაძისთვის უფლებამოსილების შეწყვეტას მოითხოვენ.

„ მე ვარ 5 წლის ბარბარეს დედა, რომელსაც აქვს დაუნის სინდრომი. გოგი თოფაძის მიერ გაკეთებული განცხადება არის უპასუხისმგბლო პოლიტიკოსის განცხადება, რომელმაც დააკნინა ჩვენი შვილების რეპუტაცია, ” – აცხადებს არასამთავრობო ორგანიზაცია “მზის შვილების” წარომადგენელი ნინო ომნაძე.

უფლებათადამცველი ანა აბაშიძე ამბობს, რომ გოგი თოფაძე როგორც პოლიტიკოსი უკვე გარდაცვლილია : „პოლიტიკოსი, რომელიც შეურაცხყოფს ერთ ადმაიანს მაინც ამ ქვყანაში, ის შეურაცხყოფს ყველა ამომრჩეველს.”

ანა აბაშიძის ინფორმაციით, მემორანდუმზე მუშაობენ, რომელის თანახმადაც პოლიტიკური ფიგურები ვალდებული იქნებიან თავი შეიკავონ მსგავსი შინაარსის განცხადებებისაგან.

მისი განცხადებით კარგია, რომ გოგი თოფაძემ ბოდიში მოიხადა, მაგრამ მხოლოდ ეს არაა საკმარისი და ბოდიში სხვა პოლიტიკურმა ფიგურებმა უნდა მოიხადონ.

„ თოფაძის გამოსვლაზე ბოდიშს არ უნდა იხდიდეს მარტო იგი, ეგაა მთავარი. სადაა პარლამენტის თავმჯდომარე, რომელიც იქვე იჯდა და არ შეაჩერა ან იქვე არ გააკეთა კომენტარი ამ უმსგავსობაზე. ყველა პოლიტიკურმა ფიგურამ მინისტრები იქნებიან ეს თუ პრემიერ-მინისტრი უნდა მოიხადონ ბოდიში", - ამბობს ანა აბაშიძე.

ფრაქცია „ქართული ოცნება – მრეწველების” თავმჯდომარემ გოგი თოფაძემ პრეზიდენტ გიორგი მარგველაშვილს პარლამენტის ტრიბუნიდან გუშინ განუცხადა, რომ მან „ქართველი ხალხი დაუნებს შეადარა“.

დიდი სკანდალის შემდეგ დღეს თოფაძემ წერილობითი განცხადება გააკეთა და აღნიშნა, რომ მისი სიტყვები არასწორად იყო აღქმული.

დეპუტატმა ბოდიშიც მოიხადა, თუმცა იგივეს გაკეთება პრეზიდენტსაც მოუწოდა.