დაზიანებული ექსპონატები ლანჩხუთის მუზეუმში და ხელმძღვანელის მიერ შეურაცხყოფილი თანამშრომლები

საზოგადოება - 20:19, 03 Feb, 2016

1677

ლანჩხუთის მხარეთმცოდნეობის მუზეუმი შველას ითხოვს. შენობის ფასადიდან ფილები ცვივა და ადამიანებს საშიშროებას უქმნის. ამას გარდა, დიდთოვლობის დროს სახურავიდან ჩამოსულმა წყალმა უნიკალური ექსპონატები დააზიანა.
უყურადღებობით შეწუხებულმა მუზეუმის თანამშრომლებმა, საკუთარი ძალებით და სახსრებით სცადეს პრობლების მოგვარება. შაბათს არა სამუშაო დღეს, სამსახურში მისულებს საშინელი სიტუაცია დახვდათ. ჭერიდან ჩამოსული წყლით სავსე იყო დარბაზი და ექსპონატები წყალში ცურავდა. ადგილზე მისულთ კი მუზეუმში განგვიმარტეს, რომ პრობლემის შესახებ მათ დაუყონლებლივ აცნობეს კულტურის დაწესებულებათა გაერთიანების ხელმძღვანელს ქალბატონ ადელინა კილაძეს.
მხარეთმცოდნოების მუზეუმის დირექტორის ნონა იმნაძის თქმით, დაწესებულებათა ხელმღვანელს პრობლემის არსში გარკვევა არც კი უცდია და პირაპირ შეტევაზე გადასულა, რჩევაც კი მიუცია, რომ თუკი არსებული სიტუაცია არ მოსწონდა დაეწერათ განცხადება და სახლში წასულიყო. უფრო მეტიც, როგორც მუზეუმის თანამშრომლები აცხადებენ ჩვენთან საუბარში, კილაძემ არც ისინი დაინდო და სიტყვიერი შეურცყოფა მიაყენა.
,, დღეს ჩვენი უფროსი მოვიწვიეთ , მეორე მოადგილე და მესამე მოადგილესთა ერთად. (არ ვიცი რამდენი ყავს) არც დაჯდა ქალბატონი სკამზე და პირადაპირ შეტევაზე გადმოვიდა. ნუ ჩვენც ადამიანები ვართ და ვუპასუხეთ კიდეც. ისეთს რამეს გვიმტკიცებდა, რაშიც თავად არ იყო დარწმუნებული. ინფრასტრუქტურის სამსახურის ხელმძღვანელიც ახლდა და ერთმანეთში ჯერ არ იყვნენ გარკვეულები. მე შვებულებაში ვიყავი და არაფერი არ ვიციო. აქ არჩევდნენ საქმეს... არცერთი თეთრი არ არის გამოყოფილი ინფრასტრუქტურის გასავითარებლად. 35 წელია აქ ვმუშაობ და ყველანი ერთად ვცდილობთ, რომ ჩვენი სახსრებით რაღაც შევძინოთ მუზეუმს. წიგნი ვერ გამოვეცით, სპონსორი ვერ მოიძებნა აქ. ყველაზე მიზერული ხელფასებია ჩვენთან. არცერთი თეთრი არ არის გამოყოფილი ჩვენი ხელფასების მოსამატებლად. მოგეთხოვათ წინა ხელისუფლებისთვისო, წინა ხელისუფლებამ ამასთან შედარებით ნამდვილად ცოტა მოგვიმატა. მითუმეტეს ჩვენ ნაციონალობას ვერ დაგვწამებენ, მუზეუმის თანამშრომლებს ეს ყველამ კარგად იცის. არაფერში ამხელა ხელფასებს თავად რომ იღებენ, ამაზე ჩვენი პროტესტი გამოვხატეთ და არ გავჩერდებით და რომ მოვითხოვეთ პრობლემის მოგვარება და ხელფასების ცოტათი გაზრდა, ეს თურმე როგორ გავუბედეთ ადელინა კილაძეს. რომელიც პირდაპირ შეტევაზე გადმოვიდა. არა საშუალება და რა გაგიკეთოთო. კულტურას იმდენი თანამშრომელი ყავს, თუ არაა საშუალება ამდენი წელია რატომ იღებენ ამხელა ხელფასებს? წავიდნენ მაშინ უფასო შვებულებაში, ეი რა გამოდის ტყუილა იღებენ ხელფასებს . ცანავაა ერთი იქ ინჟინერი, და კილაძესთან ერთად შეტევაზე ისიც გადმოვიდა. არ გვაქვს საშულებაო მითხრა. წავიდნენ მაშინ. კილაძეს ვკითხე თქვენი მეუღლე რას აკეთებს იქ თქო, ამხელა ხელფასი რომ აქვს ? . ჩემი მეუღლე რომ აქ დამენიშნა ციხეში გამიშვებდნენ ეგენი. თითონ კი იღებენ 1000 ლარს ხელფასს. ასევე იღებს მისი მეუღლეც, რომელიც იქ მუშაობს და მე ამ დროს თურმე ხელფასი არ მეკუთვნის. პრობლემებიც კი არ მოუსმენია, ისე გავარდა აქედან. თან ბოლოს მომაძახა თუ არ მოგწონს განცხადება დაწერე და წადი სახლშიო_ დასძინა იმნაძემ. "გურიის მომაბე" ცდილობს დაუკავშირდეს ქალბატონ ადელინა კილაძეს, თუმცა ჩვენი მხრიდან რამდენიმე მცდელობის მიუხედავად, ის ჩვენს ზარებს არ პასუხობს. თუ კი ქალბატონი ადელინა ისურვებს მომხდარზე საკუთარი პოზიციის დაფიქსირებას და კომენტარის გაკეთებას. "გურიის მოამბე" მას მიღებისთანავე შემოგთავაზებთ.