გოგო სანადირო თოფიდან გასროლით მისივე კარის მეზობელმა 22 წლის ხვიჩა ყაზარაშვილმა დაჭრა.

შემთხვევა სოფელ მატანში მოხდა. წინასწარი ინფორმაციით, ახალგაზრდა ბიჭს თოფი შემთხვევით გაუვარდა. როგორც ,,ნიუპოსტს“ შს სამინისტროს პრესცენტრში განუცხადეს, ახალგაზრდა მამაკაცი დაკავებულია, მომხდარზე გამოძიება საქმე საქართველოს სისხლის სამართლის კოდექსის 19-108–ე მუხლით (განზრახ მკვლელობის მცდელობა) მიმდინარეობს.

სოფელის რწმუნებული დავით მამუკელაშვილი დარწმუნებულია, რომ დაკავებულს თოფი გაუვარდა.

მამუკაშვილმა ეჭვიანობის ნიადაგზე განზრახ მცდელობის მცდელობა კატეგორიულად გამორიცხა.

დავით მამუკელაშვილი: მოხდა ძალიან სამწუხარო ფაქტი, 14 წლის გოგონა დაიჭრა, ქეთევანს მუცლის ღღუში აღენიშნება ჭრილობა. გუშინ ოპერაცია ჩაუტარდა, თუმცა მდგომარეობის სიმძიმის გამო თბილისში გადაიყვანეს.

- რა მოხდა მატანში?

- ქეთევანისა და ხვიჩას სახკლები ერთმანეთს უყურებენ, გუშინ საღამოს ახალგაზრდა მამაკაცი თოფს წმენდდა და გაუვარდა. გოგონა იქვე 10 მეტრის სიახლოვეს იდგა და დაიჭრა. ძალიან განიცახადა ხვიჩამ, ყვიდოდა და ღმერთს გოგონას გადარჩენას ევედრებოდა...

- განზრახ მკვლელობის მცდელობას გამორიცხავთ? ითქვა, რომ მამკაცს არასრულწლოივანი უყვარდა...

- ეს ვერსია საერთოდ გამორიცხეთ, მეზობლები, მეგობრები არიან. ოჯახებიც ახლობლობენ.

რაც შეეხება დაჭრილის მდგომარეობას ის იაშვილის სახელობის ბავშვთა რესპუბლიკურ საავადმყოფოში რეანიმაციულ განყოფილებაში იმყოფება.

მისი მდგომარეობა მძიმეა, გოგონას გამოკვლევები ამ წუთებშიც უტარდება

დავით ჯაბაშვილი