"ეს ყველაფერი არის ჩვეულებრივი ინტრიგა" -კლინიკა "ლანცეტი" მელუების ოჯახის ბრალდებას უარყოფს

საზოგადოება - 17:39, 01 Feb, 2016

3666

კლინიკა "ლანცეტის" რეანიმაციული განყოფილების ხელმძღვანელი გიორგი ბენიძე მელუების ოჯახის ბრალდებას კატეგორიულად უარყოფს და აცხადებს, რომ პაციენტ ბეჟან მელუასთან მიმართებაში კლინიკას უყურადღებობა არ გამოუჩენია. ბენიძის თქმით პაციენტის ოჯახის მხრიდან წამოსული ბრალდება დავალიანების გადახდაზე თავის არიდებას ემსახურება:

„ეს ყველაფერი არის ჩვეულებრივი ინტრიგა, როცა ადამიანები ცდილობენ თავი აარიდონ თანხის გადახდას და ყველა გზას ეძებენ ამის გასამართლებლად. ერთგვარი "გაღმა შეედავე..."-ს პრინციპია. მაგრამ, არაფერი გამოუვათ, ამას მიხედავს შესაბამისი სამსახური. რაც შეეხება მედპერსონალის უყურადღებობაში დადანაშაულებას, ამას გამოვრიცხავ. მოჰქონდათ ამ ადამიანებს მალამოებიც და მედიკამენტებიც, მაგრამ ნაწოლების გაჩენა სხეულზე მსგავსი სიმძიმის ავადმყოფისთვის, რომელსაც ხანგრძლივად წოლა უწევს, ეს არის ჩვეულებრივი. უმძიმეს მდგომარეობაში შემოიყვანეს პაციენტი ჩვენთან და თვეზე მეტ ხანს იწვა რეანიმაციულ განყოფილებაში. ხანგრძლივად ავად მწოლიარე ნევროლოგიურ პაციენტებში ეს არის ჩვეულებრივი მოვლენა. სუნი აქვს ავადმყოფსო, ახლა თუ არ გაწმენდენ, ოფლის სუნი შეიძლება ადამიანს ჰქონდეს და ჭუჭყის. სხვა არ ვიცი რაზე ლაპარაკობს"- აცხადებს ბენიძე.