"ქვეყანა მაცაცოებითაა სავსე... ღარიბაშვილი ამიტომ გადააყენეს"

საზოგადოება - 11:36, 01 Feb, 2016

10491

საქართველოში ერთსქესიანთა ქორწინების დასაშვებად სამართლებრივი ბრძოლა იწყება. სარჩელი, რომელიც საკონსტიტუციო სასამართლოში შევიდა, ლგბტ პირების უფლებების დამცველმა, ადვოკატმა გიორგი ტატიშვილმა გაასაჯაროვა.

ტატიშვილი, რომელიც ადრე ტრანსგენდერ „მაცაცოდ” იყო ცნობილი, ამბობს, რომ სასარჩელო მოთხოვნაა, საკონსტიტუციო სასამართლომ ძალადაკარგულად სცნოს სამოქალაქო კოდექსის ის ნორმა, რომლითაც განმარტებულია, რომ „ქორწინება ქალისა და მამაკაცის ერთობაა”.

ამ თემამ საზოგადოებაში დიდი რეზონანსი გამოიწვია "ქრონიკა" სარჩელის შესახებ "სახალხო კრების" წევრს ელიზბარ ჯაველიძეს ესაუბრა.

ჯაველიძის თქმით, საქართველოს ყოფილი პრემიერ-მინისტრი ამ თემას გადააყოლეს.

"ირაკლი ღარიბაშვილი მტკიცედ ამბობდა, რომ ქალისა და კაცის ერთობაა ოჯახი და სანამ პრემიერი ვარ, ასეც იქნებაო და ამიტომაც გადააყოლეს ამ ამბავს"- აცხადებს ჯანელიძე.

აკადემიკოსი ლგბტ პირების "კუთხეში მიყუჟვის" ინიციატივით გამოდის.

"თუ არ შეგვიძლია სახელმწიფოს დაცვა და ვირთხების კუთხეში მიყუჟვა, გავნადგურდებით"- აცხადებს გამოცემასთან "სახალხო დაცვის" წევრი.

მისი თქმით, გიორგი ტატიშვილს ყველა პოლიტიკური ძალა იცავს.

"დღეს თითქმის ყველა ძალა ამ "ტრაცაცოს" უჭერს მხარს. მაგნაირი "მაცაცოებითაა" სავსე ეს ქვეყანა"- აცხადებს ელიზბარ ჯანელიძე.