უშგულიდან კინემატოგრაფისტების გამოყვანის სამაშველო ოპერაცია

უშგულიდან კინემატოგრაფისტების გამოყვანის სამაშველო ოპერაცია - რას ჰყვებიან გადამღები ჯგუფის წევრები

საზოგადოება - 12:54, 31 Jan, 2016

2307

30 კაციანი გადამღები ჯგუფი, რომელიც დიდთოვლობის გამო უშგულში ჩარჩა მესტიაში გადმოიყვანეს, სადაც მათ ღამე გაათენეს. მათ სტიქიის გამო უშგულის დასახლებაში დარჩენა კიდევ რამდნეიმე დღე მოუწიათ.
შეგახსენებთ, რომ გუშინ კინემატოგრაფისტების ჯგუფის წევრები ,,ნიუპოსტს" დაუკავშირდნენ და დახმარება ითხოვეს.

გადამღები ჯგუფის წევრები ადგილობრივ ხელისუფლებას უმოქმედობაში ადანაშაულებენ. კინემატოგრაფისტები მადლობას უხდიან იმ ადამიანებს, რომლებმაც ყველაფერი გააკეთეს მათ დასახმარებლად, მათ შორის მაშველებს, სამეგრელო-ზემო სვანეთის გუბერნიის წარმომადგენლებს, ,,გუბერნიის ცალკეულმა წარმომადგენლებმა, მათ შორის დათო კოდუამ, კახა ჯანაშიამ, სასაზღვრო პოლიციის წარმომადგენელმა სტანისლავ გურჩიანმა და თავად გუბერნატორმა ყველაფერი გააკეთეს და მთელი ღამე გვერდიდან არ მოგვცილებიან" - განუცხადა ნიუპოსტს.ფილმის წარმოების მენეჯერმა დალი ნარიმანიძემ. კინემატოგრაფისტების ჯგუფიუახლოეს დღეებში თბილისში პრეს-კონფერენციის მოწყობას გეგმავს.

„გამგებელი, რომელმაც გამოაცხადა, რომ ჩვენ წამლებით მომარაგებული ვიყავით, მობრძანდა მხოლოდ წამოსვლის დღეს, იყო ნასვამ მდგომარეობაში. 4 დღე გვაყტუებდა, მეხუთე დღეს, როდესაც ჩაერია გუბერნატორი მაშინ გამოჩნდა. გვეუბნებოდნენ რომ არ დარეკოთ არავისთან არაფერი არ თქვათ, თქვენ გზა გაგეხსნებათ. მიგდებული ყავთ ეს ხალხი,“ - დალი ნარიმანიძემ "კურიერთან" ინტერვიუში.

სამაშველო ღონისძიება რთულ მეტეოროლოგიურ პირობებში რამდენიმე საათის განმავლობაში მიმდინარეობდა. პროცესში ცართულები იყვნენ მესტიის სახანძრო-სამაშველო ჯგუფები.