თურქეთში მოკლული სამი ადამიანიდან საქართველოს საგარეო უწყების ცნობით საქართველოს მოქალაქე მხოლოდ ერთია. მათივე ინფორმაციით, გარდაცვლილთაგან ერთ-ერთ ქალბატონს საქართველოს მოქალაქეობა შეწყვეტილი ჰქონდა და ის ამჟამად თურქეთის მოქალაქეა. ხოლო გარდაცვლილი მამაკაცის მოქალაქეობის საკითხი ამ დროისთვის დადგენილი არ არის.

თურქული მედია დაღუპულების ვინაობას აქვეყნებს მათი ინფორმაციით მოკლულები არიან 56 წლის ემა შარიპოვი, 50 წლის ელნას შარიპოვი და 19 წლის შაჰიპ შარიპოვი. შარიპოვების ცხედრები მათმა ნათესავმა აღმოაჩინა. წინასწარი ინფორმაციით მათი სიკვდილი ცივი იარაღით მიყენებულმა ჭრილობებმა გამოიწვია. მათ ყელი ქონდათ გამოჭრილი.