"თბილისის ოპერას ახალი ერა დაუდგა" - The Guardian-ი განახლებულ ოპერაზე წერს

კულტურა - 21:12, 27 Jan, 2016

2901

„თბილისში განახლებული ოპერა იხსნება, რომელიც „ცარებს“, „საბჭოთა კავშირსა და სამოქალაქო ომს გადაურჩა“ - ამ სათაურით აქვეყნებს სტატიას პრესტიჟული ბრიტანული გამოცემა The Guardian-ი.

გამოცემა წერს, "ზურაბ ლომიძე იყო თბილისის ოპერის დირექტრორი, როდესაც 1991 წელს საქართველოში სამოქალაქო ომი იყო. რუსთაველის გამზირზე ბრძოლისას, ის და მისი რამდენიმე თანამშომელი შენობაში იყვნენ, რათა ის დაეცვათ."

„ერთ დღესაც, შეიარაღებულ პირთა ჯგუფი შემოვიდა და გვითხრა, რომ ოპერა თავშესაფრად სჭირდებოდა. მათი წასვლის შემდეგ ჩვენ აღარ გვქონდა შესასვლელი კარი, კედელიც დაცხრილული იყო. როდესაც ომის შემდეგ ჩვენ კვლავ გავიხსენით, მინდოდა კედელი მინით დამეფარა და დიდი ნიშანი დამედო: კულტურას ასე არ უნდა მოექცე“ - ამბობს ლომიძე.

„გარდიანი“ თბილისის ოპერისა და ბალეტის თეატრის ორჯერ დაწვის ფაქტსაც ახსენებს.

„ახლა კი, 165 წლის ოპერისა და ბალეტის თეატრს ახალი ერა დაუდგა. ექვსი წლის შემდეგ თეატრის კარი იხსნება“ - ნათქვამია სტატიაში.

სტატიაშივე აღნიშნულია, რომ ოპერის აღდგენისთვის თანხა, ქვეყნის უმდიდრესმა ადამიანმა და ყოფილმა პრემიერ-მინისტრმა, ბიძინა ივანიშვილმა გამოყო.

"საქართველოს საუკუნეებით დათარიღებული, ხელოვნების მდიდარი ტრადიცია აქვს, რომელიც რუსეთის იმპერიისა და შემდეგ საბჭოთა კავშირის მიერ იქმნა „შთანთქმული" - ნათქვამია სტატიაში.

სტატიის სრული ვერსია იხილეთ : http://www.theguardian.com/world/2016/jan/27/tibilisi-to-reopen-opera-house-that-has-survived-tsars-soviets-and-civil-war