"ქალი შვილის დასახმარებლად წავიდა, ახლა კი მის დასატირებლად ჩამოდის!"

"ქალი შვილის დასახმარებლად წავიდა, ახლა კი მის დასატირებლად ჩამოდის!" - ტრაგედია თბილისში

საზოგადოება - 16:28, 27 Jan, 2016

21252

25 იანვარს ტრაგედია ქუთაისის ქუჩაზე მორიგი დატრიალდა, მიზეზი ისევ ბუნებრივი აირის გაჟონვაა, რომელმაც ორი ახალგაზრდის- 28 წლის პაპუნა ხაინდრავასა და 16 წლის გიორგი ტალახაძის სიცოცხლე იმსხვერპლა. ბიჭები ერთ ოჯახში გაიზარდნენ და ძმებივით უყვარდათ ერთმანეთი.

"ეს ხალხი ჩვენი კორპუსის ძირითადი მაცხოვრებლები არ არიან, ამ ცოტა ხნის წინ იქირავეს ბინა და გადმოვიდნენ საცხოვრებლად; გიორგის ხშირად, ყოველ დღე სკოლაში წასვლა-მოსვლისას ვხედავდი, საყვარელი ბიჭი იყო, სალმიანი, მიხაროდა მისი დანახვა. ერთხელაც დედამისი მოვიკითხე, - ამ ბიჭს ვხედავ, მაგრამ დედა არასოდეს დამინახავს, სად არის-მეთქი, - მითხრეს, დედა ამერიკაშია წასული, მუშაობს და ოჯახს იქიდან ეხმარებაო. ამაზე რომ ვფიქრობ, სიცოცხლე აღარ მინდა, - ქალი შვილის დასახმარებლად წავიდა, ახლა კი შვილის დასატირებლად ჩამოდის! ამ უბედურების აღწერაც კი არ შეიძლება! მტერსაც კი ვერ უსურვებ ასეთ რამეს ადამიანი.
უფროსი პაპუნაც დამინახავს, მამასთან და გიორგისთან მოდიოდა ხოლმე, ისიც კარგი ბიჭი იყო… მადლობა უფალს, რომ მის სახელზე მაინც დარჩა ვიღაც, - 8 წლის გოგონა ჰყავს… გიორგი კი ისე წავიდა, რომ ამქვეყნად ცხოვრებაში ვერაფერი მოასწრო. არადა, წინ რამდენი რამ ჰქონდა", - ამბობს "კვირის პალიტრასთან" საუბრისას ქუთაისის ქუჩის მაცხოვრებელი.
მასალა ვრცლად იხილეთ ბმულზე: "კვირის პალიტრა"