ჯანდაცვის მინისტრის მოადგილის ზაზა სოფრომაძის ინფორმაციით, ვირუსული ინფექციის ზრდა შეჩერებულია.

ამის შესახებ სოფრომაძემ ჟურნალისტებთან საუბრისას განაცხადა.

მისი თქმით, ამას ხელი იმ ფაქტმაც შეუწყო, რომ სკოლებში სწავლა შეჩერდა.

„მთავარი ამოცანა, რასაც ჩვენ ვისახავდით, მიღწეულია ანუ ზრდა ვირუსული ინფექციის გავრცელების შეჩერებულია. დღეისათვის სტაბილური მონაცემები გვაქვს. ეს არ არის ეპიდემია. გარდა ამისა, განტვირთულია სასწრაფო სამედიცინო დახმარების სამსახური, პირველადი ჯანდაცვის ობიექტები აქტიურად არიან ჩართული ამ პროცესში. ბოლო ინფორმაციით, მთელი საქართველოს მასშტაბით დაახლოებთ 180 სკოლაში დღეისათვის შეჩერებულია სწავლა. რა თქმა უნდა ეს შედეგს გამოიღებს და ვირუსული ინფექციების გავრცელებას აგვარიდებს“, - ამბობს ზაზა სოფრომაძე.